თუ ვარჯიში მოსაწყენ და რუტინულ საქმედ გეჩვენებათ, მაშინ თუნდაც მკაცრ ამინდს, სავარჯიშო დარბაზამდე გასავლელი გზის წარმოდგენასაც შეუძლია რომ გადაგათქმევინოთ ეს განზრახვა. თუმცა, არსებობს გამოსავალიც, შეგიძლიათ მარტივად, საკუთარი სახლის პირობებშიც მოახერხოთ ვარჯიში – თუ შეიძენთ ისეთ პროდუქტს, როგორიც სარბენი ბილიკია.
ბაზრის კვლევების ფირმა სტატისტიკა-ს რეპორტის თანახმად, 2013 წლის მონაცემებით 25 მილიონზე მეტი ამერიკელი ვარჯიშს სახლის პირობებში ამჯობინებდა. მომხმარებელთა ამ ცხად ჯგუფზე დაყრდნობით მწარმოებლები ქმნიან უფრო გაუმჯობესებულ და smart თვისებებით გამდიდრებულ მოწყობილობებს. მაგრამ ინოვაცია კომპანიას იაფი არასდროს უჯდება: უმაღლესი კლასის სარბენი ბილიკის საბაზრო ფასმა შესაძლოა 4,000 დოლარი და მეტი შეადგინოს. საბედნიეროდ, თუ თქვენ რაღაც კონკრეტულ მახასიათებლებზე უარს იტყვით, შესაძლოა იპოვოთ ზოგიერთი ნაკლებად ძვირადღირებული მოდელი რიგი ძვირიანი მოდელებისათვის დამახასიათებელი ფუნქციონალითაც.
როგორ ვტესტავთ სარბენ ბილიკებს
ადამიანთა უმეტესობა იზიარებს რომ ვარჯიში ნამდვილად წარმოადგენს გასაღებს ჯანმრთელი ცხოვრებისათვის. იმისთვის რომ აგარჩევინოთ საუკეთესო საოჯახო სავარჯიშო აღჭურვილობა, ჩვენ ვტესტავთ და ვაფასებთ სარბენ ბილიკებს რომლებიც ბაზარზე სხვადასხვა ბრენდების ქვეშაა წარმოდგენილი. ჩამონათვალი მოიცავს ისეთ დიდ კომპანიებს, როგორიცაა: AFG, Bodyguard, Horizon Fitness, Landice, LifeFitness, Precor, Sole, Xterra და ბევრი სხვა.
ჩვენი ტესტირებები ფოკუსირებულია ისეთ მახასიათებლებზე, როგორიცაა მოხმარების სიმარტივე, კონსტრუქციის ხარისხი, ერგონომიკა, ვარჯიშის დიაპაზონი და მომხმარებლის უსაფრთხოება. შესაძლოა ეს ცნება სრულებითაც ზედმეტად გეჩვენოთ, მაგრამ ვარჯიშის დიაპაზონი მნიშვნელოვან ინდიკატორს წარმოადგენს – ის მიუთითებს იმაზე, თუ რამდენად შესაფერისია მოწყობილობა განსხვავებული ფიტნეს დონეებისათვის. იმისთვის რომ გავზომოთ ვარჯიშის დიაპაზონი, ჩვენ ყურადღებას ვაქცევთ სარბენი ბილიკის სიჩქარეებს, აჩქარების დიაპაზონს, სტაბილურობას, ამორტიზაციას და არამხოლოდ.
ჩვენი ტესტები, რომლებიც ამოწმებს მოწყობილობის უსაფრთხოებას, აფასებს რამდენად მიწვდომადია საგანგაშო შეწყვეტის ღილაკი, როგორ მუშაობს უსაფრთხოების გასაღებები და რამდენად დაცულია კეცვადი მოდელები და სხვა.
ჩვენ ასევე ვცდით მოწყობილობას სიმტკიცეზე, ამისთვის კი ჩვენი ინჟინრების მიერ შექმნილ კონკრეტულ სატესტო აღჭურვილობას ვიყენებთ. ეს თავისებური მოწყობილობები დუბლირებულადაა წარმოდგენილი Johnnie Walker წითელი და Johnnie Walker შავი – თითოეული მათგანი მოიცავს უზარმაზარ მეტალის ცილინდრს, რომელიც რბილი რეზინის ფენითაა დაფარული და ქმნის ფეხების იმიტაციას, თითოეული მათგანის საშუალებით ვაღწევთ სარბენი ბილიკის ნახევარი წლის გამოყენების იმიტაციას.
ყველა ეს ტესტის შედეგი საბოლოოდ კი ერთიანდება ჩვენს სარბენი ბილიკების სრულ რეიტინგებსა და რეკომენდაციებში.
როგორ ვტესტავთ სარბენ ბილიკებს
ავარჩიოთ სწორი სარბენი ბილიკი
პირველი რაზეც, უნდა იფიქროთ თქვენი სპორტული მიზნებია. მნიშვნელობა არ აქვს, ათლეტიკური მახასიათებლების გამოკვეთა გადაწყვიტეთ, ზოგადი ჯანმრთელობის და ფიტნესის, თუ რეაბილიტაციის გამო აპირებთ ვარჯიშს, სწორი მოდელის შერჩევაში იმის ცოდნა დაგეხმარებათ, თუ როგორ და რა დატვირთვით გამოიყენებთ თქვენს სარბენ ბილიკს.
შემდგომ კი თქვენს ბიუჯეტსაც უნდა გადახედოთ. უფრო ძვირიან მოწყობილობაში ინვესტირება მოგცემთ უფრო მტკიცე კონსტრუქციას, ნაწილების მეტად გრძელვადიან გარანტიებს, უფრო დიდ სარბენ ზედაპირს, ზედა სიჩქარის მეტ ნიშნულს და უფრო მკვეთრ დახრილობებს. თუმცა, თუ თქვენი მიზნები არ მოითხოვს უბოლოეს და საუკეთესო მოდელს, მაშინ ბიუჯეტური მოდელიც იგივე კმაყოფილებას მოგიტანთ.
გამოსცადეთ სანამ იყიდით
სარბენი ბილიკის პირადად მოსინჯვა აუცილებლობას წარმოადგენს. აქ კი დეტალურად აღგიწერთ ნაბიჯებს ამისათვის:
რამდენად კომფორტულად გრძნობთ ჩართულ მოწყობილობაზე თავს სირბილისას და როგორ მუშაობს ამორტიზაცია?
როდესაც სეირნობთ თუ დარბიხართ, ხომ არ ხვდება ფეხი ძრავის გარსსაცავს?
მართვის ღილაკები მარტივად მიწვდომადი და ოპერირებადია?
ოთხი გასათვალისწინებელი ფაქტორი
ზომა. უმრავლესობა სარბენი ბილიკებისა წარმოდგენილია მსგავსი ზომებით, საშუალოდ 77 ინჩის სიგრძითა და 35 ინჩის სიფართით. დასაკეცი სარბენი ბილიკი შენახვისას სიგრძეში ნახევრდება. შესატყვისი ცარიელი სივრცეც დაგჭირდებათ სარბენი ბილიკის ირგვლივ მისი უსაფრთხოდ გამოყენებისათვის.
ერგონომიკა. თუ მორბენალი ხართ, დაგჭირდებათ ბილიკის ისეთი სიგრძრ, რომელიც თქვენს ნაბიჯებთან ჰარმონიულ თანხმობაშია. განსაზღვრეთ რამდენად კომფორტულად გრძნობთ თავს მოწყობილობაზე სიარულისას თუ სირბილისას. აირჩიეთ ის მოდელი რომელიც თქვენს თვალში ყველაზე მეტად ერგონომიკული და ესთეტიურია.
მაღალტექნოლოგიური მახასიათებლები. სპეციალური დოკები აიპოდებისთვის, USB პორტები და უკაბელო ინტერნეტკავშირი უკვე სტანდარტულ მახასიათებლებად იქცა უამრავ სარბენ ბილიკზე.
მორგებადობა. უმრავლესობა სარბენი ბილიკებისა წარმოდგენილია 10 და 12 მილი/საათში უმაღლესი სიჩქარით; ზოგი უფრო სწრაფიცაა. ისინი ძირითადად 10-დან 15% დაქანებისაა, მაგრამ ზოგ შემთხვევაში შესაძლოა ეს პარამეტრი გაზრდილი იყოს.
კიდევ რა უნდა გავითვალისწინოთ ყიდვისას
მაშინ როცა უკვე გამორჩეული გაქვთ რამოდენიმე მოდელი, ღირს კიდევ ერთხელ დაფიქრება საბოლოო გადაწყვეტილების მიღებამდე. აქ კი გასწავლით იმ დამატებით, ერთი შეხედვით უწყინარ დეტალებს, რომლებიც ნამდვილად ყურადღების ღირსია.
წონა და დამონტაჟება. სარბენი ბილიკები მძიმეა, ამიტომაც აუცილებლათ იკითხეთ, აქვს თუ არა მაღაზიას მიტანის სერვისიც. გადაამოწმეთ, შეძლებთ თუ არა თავად ააწყოთ იგი, მოყვება მონტაჟის სერვისი თუ ამისთვის დამატებითი თანხის გაღება გიწევთ.
გარანტიები. როდესაც საქმე გარანტიებზე მიდგება, აუცილებლად არჩევანი შეაჩერეთ ისეთ მოდელზე, რომლის ნაწილებზეც 3-დან 7 წლამდე გარანტია მოქმედებს. უმრავლესობა ამ პროდუქტებს ჩარჩოს მუდმივი გარანტია აქვს და ასევე უნდა იზრუნოთ ძრავის გარანტიის მიღებაზეც.
დაბრუნებები. რაც შეეხება დაბრუნებას, გადაამოწმეთ მაღაზიის გაყიდული პროდუქტის უკან დაბრუნების წესები. თუნდაც იმ შემთხვევაში, თუკი ისინი უკან დაიბრუნებენ წუნდებულ სარბენ ბილიკს, თქვენ შესაძლოა მოგიწიოთ კონკრეტული ოდენობის თანხის გადახდა მათთვის. თუ თქვენ ონლაინ შეიძინეთ, მაშინ ყურადღება მიაქციეთ უკან დაბრუნების შემთხვევაში მიტანის ხარჯებსაც.
სარბენი ბილიკების ტიპები
ძრავიანი სარბენი ბილიკები დაფუძნებულია ერთსადაიმავე ფუნდამენტური დიზაინის ამოსავალ პირობაზე: მოძრავი ლენტი, რომელიც ელექტრული ძრავის მეშვეობით არის დაძრული. მაგრამ, რადგანაც ეს მოწყობილობები სხვადასხვა ფასის დიაპაზონითაა წარმოდგენილი, ასევე ცვალებადი მახასიათებლებითა და დიზაინებით, ჩვენ კატეგორიებად დავყავით მოცემული პროდუქტები, ფასის მიხედვით და ასევე იმ პარამეტრით, შეიძლება თუ არა მათი დაკეცვა.
ბიუჯეტური დასაკეცი სარბენი ბილიკები
აღნიშნული მოდელები შედარებით მოკლე მოძრავი ლენტითაა წარომდგენილი, რომელიც უფრო მოსეირნე ტიპის მოვარჯიშეთათვის იქნება სასარგებლო. სარბენ ბილიკზე განთავსებულია დისპლეი, რომელიც აჩვენებს სიჩქარეს, მანძილს, დროსა და დამწვარი კალორიების ოდენობას, გარდა ამისა აქვს თარო წყლის ბოთლის დამჭერებით. ამ მოდელებში, ძირითადად არ გვხვდება მკერდის ქამარი, რომელიც გულისცემის რიტმს ზომავს ან გულისცემის კონტროლის პროგრამები.
დადებითი მხარეები: თუ თქვენ მეტწილად სიარულით ვარჯიშობთ, დაბალფასიანი მოდელები საკმაოდ ამომწურავად შეასრულებენ თქვენს მოთხოვნებს.
უარყოფითი მხარეები: ბიუჯეტური მოდელები უფრო მსუბუქი მასალისგანაა დამზადებული, შედარებით ნაკლებად სტაბილურია და მათი ლენტები სირბილისთვის შესაძლოა საკმაოდ მოკლე აღმოჩნდეს.
დაკეცვადი სარბენი ბილიკები
ზოგადად, ამ მოდელებისგან მიიღებთ ბევრად მეტ დამატებით მახასიათებელს, ვიდრე ბიუჯეტური დაკეცვადი მოდელებისგან, თან მოჰყვება უფრო მეტი სავარჯიშო პროგრამა, რომლებიც მოიცავს გულისცემის რიტმის კონტროლის აპლიკაციასაც. ზოგიერთ მათგანს კი სპეციალური მკერდის ქამარიც მოჰყვება, გულისცემის გაზომვისათვის.
დადებითი მხარეები: შედარებით მტკიცე კონსტრუქცია ამ სარბენ ბილიკებს უფრო მოსახერხებელს ხდის სირბილისთვის.
უარყოფითი მხარეები: ბევრი მოდელის ლენტი შესაძლოა ზედმეტად მოკლე აღმოჩნდეს დიდი ნაბიჯებით მორბენლებისათვის.
არადაკეცვადი სარბენი ბილიკები
ეს სარბენი ბილიკები უფრო მტკიცე კონსტრუქციისა და სადგარითაა წარმოდგენილი, ასევე გააჩნია უფრო გრძელი სარბენი ლენტი და ფართე სარბენი ზედაპირი.
დადებითი მხარეები: ხშირი მორბენლებისათვის საუკეთესო არჩევანია, კონსტრუქცია უფრო მძიმეა და მასალებიც მტკიცე. ინტეგრირებული გულისცემის რიტმის მაკონტროლებელი პროგრამები, მაქსიმალური სიჩქარეების უფრო მაღალი მაჩვენებლები, უფრო ციცაბო დახრილობა ტიპიური მახასიათებელია მათთვის. ისინი უფრო დიდი წონის ადამიანებზეა გათვლილი და გარანტიებიც, ერთ-ერთი ყველაზე ხანგრძლივი გააჩნიათ.
უარყოფითი მხარეები: შესაძლოა უცნაურად მოგეჩვენოთ, მაგრამ ამ ძვირადღირებულ მოდელებს ნაკლები ჩაშენებული პროგრამა აქვს. მაშინ, როდესაც ყველა კვადრატულ მეტრს თავისი დანიშნულება აქვს ოთახში, სივრცე ნამდვილად პრიორიტეტია, ეს მოდელი კი ამაში მოიკოჭლებს.
სარბენი ბილიკის მახასიათებლები
სარბენი ბილიკების მწარმოებლები ცდილობენ მრავალმხრივად იმუშაონ იმაზე, რომ ვარჯიში გახდეს ნაკლებად მონოტონური და უფრო საინტერესო აქტივობა. თქვენი დავალება კი: იმის გადაწყვეტაა, თუ რომელი მახასიათებლები გჭირდებათ და ისეთი პარამეტრებისთვის თანხის გადახდისგან თავის არიდებაა, რომელსაც არც კი გამოიყენებთ.
დაიწყეთ იმით, რომ კარგად გაიაზრეთ, რა ტიპის მოვარჯიშე ხართ. ვარჯიშის დროს ყურადღების სხვა რამეზე გადატანა გესაჭიროებათ თუ პირიქით, ისეთი ადამიანი ხართ ვისაც ფიტნეს რეჟიმის დაგეგმვა და ახალი ფიზიკური გამოწვევების შექმნაც კი სიამოვნებს… თუ პირველი ტიპის ადამიანი ხართ, მაშინ გასართობი ფუნქციონალი და ავტომატიზებული პროგრამები უნდა იყოს თქვენთვის პრიორიტეტული. სხვამხრივ, ისეთი მახასიათებლები, როგორიცაა მაქსიმალური სიჩქარე, დახრის პარამეტრები, გულისცემის რიტმის მონიტორინგი და ინტერვალური პროგრამები უნდა იყოს პრიორიტეტული.
დაიმახსოვრეთ, სარბენი ბილიკი უბრალოდ იარაღია იმისთვის რომ მიაღწიოთ თქვენს კარდიო-ფიტნესისა და ჯანმრთელობის მიზნებს. მუდამ გახსოვდეთ ეს მიზნები და ეს დაგეხმარებათ იმ მახასიათებლების იდენტიფიცირებაში, რაც თქვენთვის მართლაც რომ მნიშვნელოვანია.
**ჩაშენებული სავარჯიშო პროგრამები**
ეს სასარგებლო მახასიათებელი ავტომატურად შეიცვლება თქვენი ვარჯიშის ინტენსივობის მიხედვით და აისახება დახრის თუ სიჩქარის ცვლილებებში. ამას გარდა, საკუთარი სურვილის მიხედვითაც შეძლებთ მოცემული პარამეტრების რეგულირებას. სავარჯიშო პროგრამები ზუსტადაც რომ მოწყენილობის ანტიდოტია და გაგამხნევებთ ვარჯიშის დროს, იმისთვის რომ დადგენილ სავარჯიშო რუტინას არ გადაუხვიოთ.
**გულისცემის რიტმის მონიტორი**
მკერდის ქამარი – გულისცემის მონიტორი, როგორც წესი, არ მოყვება 1,000 დოლარზე ნაკლები ფასის მქონე სარბენ ბილიკებს. ყველა სარბენი ბილიკი, როგორც წესი წარმოდგენილია ხელის ჩასაჭირდზე არსებული ამ ტიპის მონიტორით. ეს მახასიათებელი საშუალებას გაძლევთ თვალყური ადევნოთ თქვენი ვარჯიშის ინტენსივობას. მკერდის ქამრიანი მონიტორი კი უფრო ზუსტ და თანმიმდევრულ შედეგებს გამოგიტანთ და საშუალებას მოგცემთ მუდმივად აკონტროლოთ თქვენი გულისცემა და ამისათვის სულაც არ მოგიწევთ სახელურზე არსებულ სენსორებთან შეხება.
**მართვის და პანელური გაჯეტები**
აუცილებლად ეძიეთ კარგად ეტიკეტირებული, ინტუიტიური მართვის პანელები: ზემოთ და ქვემოთ ღილაკებით, სწრაფი ერთჯრეადი შეხების სიჩქარეებით და დახრილი ღილაკებით, დიდი, მარტივად წაკითხვადი დისპლეებით, რომლებიც რამდენიმე ფუნქციას აჩვენებს ერთდროულად (დრო, სიჩქარე, გულისცემის რიტმი, დახრილობა). თავი აარიდეთ ისეთ მოდელებს, რომელთაც ცუდად წარმოდგენილი საკონტროლო პანელი და დისპლეი აქვს.
მწარმოებლების მზარდი რიცხვი ტვირთავს თავიანთ სარბენ ბილიკებს ისეთი გაჯეტების პანელებით როგორიცაა ხმამაღლამოლაპარაკე, ვენტილატორი ან თუნდაც LCD ტელევიზორი. თუკი ამ კომპონენტთაგან რომელიმეს შეკეთება დასჭირდა, ეს შესაძლოა პრობლემა გახდეს. შესაძლოა ეს ნაწილები ცალკე, იმაზე უფრო იაფად იყიდოთ, ვიდრე მოწყობილობაში ჩაშენებულის შემთხვევაში.
**მიბმული უსაფრთხოების გასაღები**
ყოველ მოდელს აქვს უსაფრთხოების გასაღები. იმისთვის რომ სარბენი ბილიკი აქტიურ რეჟიმში მოიყვანოთ, ამისთვის სპეციალური გასაღების მოთავსება მოგიწევთ პანელში. გასაღებს გააჩნია გრძელი თოკი და წარმოდგენილია მომჭერით, რაც საშუალებას გაძლევთ ტანსაცმელზეც კი დაიმაგროთ. თუკი თქვენ დასრიალდით და დავარდით, ეს სამაგრი ავტომატურად გამოაძრობს გასაღებს და სარბენი ბილიკის ლენტიც გაჩერდება. თოკი ისეთი სიგრძის უნდა იყოს, რომ მარტივად მოძვრეს აქ აღწერილ შემთხვევაში სარბენ ბილიკს. ის ასევე უნდა გამოერთდეს და შეინახოს ბავშვებისთვის მიუწვდომელ ადგილას, ეს კი გამორიცხავს იმის ალბათობას რომ მოწყობილობის შემთხვევით გაშვება მოხდება.
**ხელის და ფეხის ჩარჩოები**
სარბენ ბილიკთა უმრავლესობას გააჩნია ხელის ჩასაჭიდი ადგილები მოწყობილობის წინა და გვერდითა მხარეებზე. ბალიშები კი დამატებითი სარგებელია. აღნიშნული ნაწილები სასარგებლოა დამატებითი სტაბილურობისთვის, აუცილებლად დარწმუნდით რომ ეს ნაწილი ხელს არ უშლის მკლავის თქვენს ბუნებრივ მოძრაობას ვარჯიშის განმავლობაში. ეძიეთ ისეთი მოდელი, რომელსაც აქვს ფართო და ბრტყელი ფეხის ჩარჩო მოძრავი ლენტის გასწვრივ ორსავე მხარეს. საკმარისი ზომის ჩარჩოები უფრო მარტივს ხდის სარბენ ბილიკზე ასვლას და მისგან გადმოსვლასაც.
**ძრავის გარსსაცავი**
სარბენი ბილიკის ძრავის გარსსაცავი საკმაოდ შორს უნდა იყოს მოთავსებული, იმდენად რომ ვარჯიშისას ხელი არ შეგიშალოთ. გარსსაცავის ჩაღუნული ფორმა, რომელიც სარბენი ლენტის წინ თანდათანობით კონუსის ფორმას იღებს, იდეალურია.
**ინტერნეტ კავშირი და მობილური აპლიკაციები**
ზოგიერთ სარბენ ბილიკს აქვს წვდომა ინტერნეტთან, რაც საშუალებას გაძლევთ Google Maps-ზე ვირტუალური კვალი დატოვოთ ან შექმნათ პერსონალიზებული რუკა. სხვა მოდელები მოიხმარენ მობილურ აპლიკაცებს და აქვთ თაჩსქრინ ეკრანები. მხედელობაში მიიღეთ მობილური აპლიკაციები ან დაკავშირებული ფუნქციონალები რომლებიც თქვენი სარბენი ბილიკის შესაძლებლობებს ბევრად გააფართოვებს და საშუალებას მოგცემთ თვალყური ადევნოთ ვარჯიშის ისტორიებსაც. იყავით ინფორმირებული „მოხმარების წესების“ შესახებ, რომლებშიც ახსნილია თუ როგორ იყენებს მწარმოებელი თქვენს პერსონალურ მონაცემებს.
Horizon Fitness დაფუძნებულია Cottage Grove-ში, ვისკონსინის შტატში. მისი პროდუქციის ხაზი ასევე მოიცავს ელიფსურ და სავარჯიშო ველოსიპედებსაც. ხელმისაწვდომია სპორტული პროდუქტების მაღაზიებში და ონლაინ, მისი სარბენი ბილიკების ფასის დიაპაზონი იწყება 800 დოლარიდან და ადის 2,500 დოლარამდე.
Landice
დაფუძნებულია Randolph-ში, ნიუ ჯერსის შტატში, Landice აწარმოებს როგორც საშუალო ასევე მაღალი კლასის სარბენ ბილიკებს და ელიფსურ ველოსიპედებს საოჯახო და კომერციული ბაზრებისათვის. ხელმისაწვდომია სპეციალიზებულ ფიტნეს მაღაზიებში, Landice-ს სარბენი ბილიკების ფასები ვარირებს 2,500 დოლარიდან 5,500 დოლარამდე ფასებში.
Life Fitness საოჯახო სარბენი ბილიკები ხელმისაწვდომია სპეციალიზებულ ფიტნეს საცალო მოვაჭრეებთან და ასევე შეძლებთ შეიძინოთ მისი ონლაინ მაღაზიიდან. მოდელების ფასები ვარირებს 2,000 დოლარიდან 7,000 დოლარამდე.
LifeSpan ფიტნეს პროდუქტები დამზადებულია Health and Fitness-ის მიერ, რომელიც დაფუძნებულია Park City-ში, იუტას შტატში. მისი პროდუქციის ხაზი ასევე მოიცავს ოვალურ და სავარჯიშო ველოსიპედებს. სარბენი ბილიკების ფასები იწყება 900 დოლარიდან და ადის 3,500 დოლარამდე.
NordicTrack
NordicTrack გახლავთ Icon Fitness ჯგუფის ნაწილი, რომელიც თავის მხრივ მსოფლიოში უდიდესი ფიტნეს აღჭურვილობის მწარმოებელია. ბრენდი სთავაზობს სხვა სავარჯიშო პროდუქტების დიდ არჩევანსაც, მათ შორის ოვალურ, სავარჯიშო ველოსიპედებსა და სტეპერებს. სარბენი ბილიკების ფასები მერყეობს 900 დოლარიდან 3,000 დოლარის ნიშნულამდე.
Precor გახლავთ ფინეთში დაფუძნებული Amer Sports კორპორაციის ნაწილი. მისი სარბენი ბილიკების შეძენა ქვეყნის მასშტაბით სპეციალიზებულ ფიტნეს მაღაზიებშია შესაძლებელი. ფასები ვარირებს 2,500 დოლარიდან 7,000 დოლარამდე.
Icon Fitness-ის მიერ შექმნილი ბრენდი ProForm მომხმარებელს სთავაზობს სავარჯიშო აღჭურვილობას იმაზე დაბალ ფასად, ვიდრე ნებისმიერი სხვა მწარმოებელი. მისი პროდუქციის ხაზი მოიცავს ელიფსურ და სავარჯიშო ველოსიპედებსაც. სარბენი ბილიკების ფასები იწყება 1,000 დოლარზე ნაკლებიდან და მაქსიმუმ 2,000 დოლარს უტოლდება.
Owned – ტაივანში დაფუძნებული Dyaco International-ის მიერ, Spirit არსებობის 25 წელზე მეტს ითვლის. მისი სარბენი ბილიკები მთელი ქვეყნის მასშტაბით იყიდება სპეციალიზებულ ფიტნეს მაღაზიებში. ფასები 2,000 დოლარი და ქვემოთ დიაპაზონშია წარმოდგენილი.
დაფუძნებულია St. Louis-ში, True-ს პროდუქტის ხაზი ასევე მოიცავს ელიფსურ და სავარჯიშო ველოსიპედებს. სარბენი ბილიკების დიაპაზონი 2,200 დოლარიდან 6,000 დოლარამდე ვარირებს.
