რატომ არის ვიეტნამის სკოლები კარგი??

მათ იციან განათლების ფასი და კარგად მართავენ მასწავლებლებს

ჰო ჩი მინი, ვიეტნამის დამაარსებელი, გარკვევით საუბრობს განვითარების გზაზე „ათწლიანი სარგებლისთვის საჭიროა დავრგოთ ხე. ასწლიანი სარგებლისთვის უნდა განვავითაროთ ხალხი“ ეს იყო მისი საყვარელი ფრაზა. თუმცა, მიუხედავად ქვეყნის ეკონომიკის სწრაფი ზრდისა, მშპ ერთ სულ მოსახლეზე ჯერ კიდევ სულ რაღაც 3760 დოლარია, ეს კი მათ მეზობელ ქვეყნებზე: მალაიზიასა და ტაილანდზე ნაკლებია და თითქმის არაა საკმარისი საშუალო დონის ვიეტნამელს რომ თავი კარგად მოვლილად აგრძნობინოს. ამის მიუხედავად, ჰო ჩი მინი ხშირად მიუთითებდა ჩინურ ანდაზაზე, რომელიც განათლების სარგებელზე საუბრობდა და სწორედ ამ ფრონტზე ვიეტნამელებს ძალიან ცოტა საჩივარი თუ აქვთ.

მათი შვილები გადიან მსოფლიოში საუკეთესო სასკოლო სისტემას, სტატუსი რომელიც ასახულია იდეალურად საერთაშორისო ტესტირებებში კითხვას, მათემატიკასა და მეცნიერებებში. მსოფლიო ბანკის უკანასკნელი მონაცემებით, აგრეგატული ქულების მიხედვით ვიეტნამელი მოსწავლეები სჯობნიან არა მხოლოდ მათ მეზობლებს მალაიზიასა და ტაილანდს არამედ დიდ ბრიტანეთსა და კანადასაც, ქვეყნები რომლებიც ექვსჯერ უფრო მდიდრები არიან. თვითონ ვიეტნამშიც კი, მოსწავლეთა ქულები არ ასახავენ უთანასწორობას სქესისა და რეგიონის მხრივ, რომელიც საკმაოდ ხშირია სხვა ქვეყნებში.

ბავშვის მიდრეკილება სწავლის მიმართ განპირობებულია რამდენიმე ფაქტორით- მათი უმრავლესობა იწყება სახლიდან მშობლებთან ერთად და იმ გარემოში სადაც იზრდებიან. მაგრამ ეს არ არის საკმარისი ვიეტნამის ვარსკვლავური შესრულების ასახსნელად. მისი გამორჩეულობის საიდუმლოება იმალება საკლასო ოთახში: ბავშები სკოლაში უფრო მეტს სწავლობენ განსაკუთრებით ადრეულ ასაკში.

2020 წლის კვლევაში, აბჰიჯით სინმა სტოქჰოლმის ეკონომიკის სკოლიდან, შეაფასა ვიეტმანის სკოლების ღრმა პროდუქტიულობა, მან შეადარა მონაცემები იდენტური ტესტებიდან ეთიოპიის, ინდოეთის, პერუს და ვიეტანმის მოსწავლეებს შორის. მან აჩვენა რომ 5-8 წლის ასაკში ვიეტნამელი ბავშები მოწინავე ადგილს იკავებენ. დამატებით ერთი წელი ვიეტნამში მიღებული განათლებისა ზრდის იმის ალბათობას, რომ ბავშვი შეძლებს მარტივი გამრავლების შესრულებას 21 პროცენტული ქულით უფრო უკეთ ვიდრე სხვა ქვეყნებშ. ინდოეთში ეს 6 ქულაა.

ვიეტნამის სკოლები, სხვა ღარიბი ქვეყნებისგან განსხვავებით დროთა განმავლობაში განვითარდნენ. 2022 წელს გლობალური განვითარების ცენტრის მკვლევარების მიერ გამოქვეყნებული კვლევის მიხედვით, 87დან 56 განვითარებადი ქვეყნის განათლების ხარისხი გაუარესდა 1960-იანი წლებიდან მოყოლებული. ვიეტნამი არის იმ მცირე ქვეყნების ჩმონათვალში, სადაც სკოლებმა ეს ტრენდი დაარღვიეს.

ყველაზე დიდი მიზეზი არის მასწავლებლების დონე. ეს იმას არ ნიშნავს რომ უფრო მეტად კავლიფიციურები არიან, არამედ უფრო ეფექტურები. ერთ-ერთ კვლევაში შეადარეს ინდოელი და ვიეტნამელი სტუდენტების ატრიბუტები, ყველაზე დიდი განსხვავება იყო მათემატიკის ტესტის ქულებში სწავლების ხარისხიდან გამომდინარე.

ვიეტნამელი მასწავლებლები კარგად ასრულებენ თავიანთ საქმეს იმიტომ, რომ მათ კარგად მართავენ. მათ ხშირად უტარდებათ ტრეინინგები და ეძლევათ თავისუფლება რომ გახადონ თავიანთი გაკვეთილები უფრო მეტად ინტერაქციული. რათა დაძლიონ რეგიონული უთანასწორობა, შორეულ რეგიონები მომუშავე მასწავლებლებს მეტ ხელფასს უხდიან. ყველაზე მნიშვნელოვანია ის, რომ მასწავლებლები ფასდებიან საკუთარი სტუდენტების შესრულებით. ისინი, ვისი სტუდენტებიც წარმატებულები იქნებიან, ჯილდოვდებიან პრესტიჟული ტიტულით „საუკეთესო მასწავლებელი“

ამის გარდა, ყველაზე დიდი საშიშროება კომუნისტური პარტიიის მიერ გაყალბებებია. პარტიის აპარატი შებყრობილია განათლებით. ეს ეხება სასკოლო დონესაც კი, რადგან ბევრი უფროსი მასწავლებელი პარტიის წევრია.

ამ შებყრობილობას სხვა დადებითი ეფექტიც აქვს. პროვინციები ვალდებულნი არიან ბიუჯეტის 20% დახარჯონ განათლებაზე, რომელიც ძალიან დაეხმარა რეგიონულ თანასწორობას. ის რომ პარტია ასეთ დიდ ყურადღებას აქცევს განათლებას, უზრუნველყოფს სასწავლო გეგმის და სწავლების სტანდარტების მუდმივ განახლებას . საზოგადოების უმრავლესობა იზიარებს ამ ფიქსაციას. ვიეტნამელი ოჯახები არიან სწავლაზე ორიენტირებულნი იმიტომ, რომ იგი კონფუციონიზმის საფუძვლებშია ჩაბეჭდილი, ამბობს სოციალური სექტორის ოფიცერი აზიის განვითარების ბანკში ნგო ქუან ვინი. ის ამბობს, რომ ყველაზე ღარიბი მშობლებიც კი კერძო მასწავლებლების ასაყვანად მზად არიან დიდი რაოდენობით თანხა გადაიხადონ. ქალაქებში, ბევრი ეძებს ისეთ მასწავლებლებს ვისაც მოპოვებული აქვს „ საუკეთესო მასწავლებლის“ ტიტული.

ამ ყველაფერმა ნაყოფი გამოიღო. სკოლების განვითარებასთან ერთად განვითარდა ვიეტნამის ეკონომიკაც. მაგრამ მეკონგის განვითარების კვლევითი ინსიტუტის დირექტორის, ფუნგ დუქ ტუნგის თქმით ზრდა იწვევს განათლების სისტემის ტესტირებას. ფირმებს უფრო და უფრო მეტად უნდათ უფრო დახვეწილი უნარების მქონე თანამშრომლები ისეთ სფეროში, როგორიცაა გუნდიის მენეჯმენტი, რაშიც ვიეტნამელი ბავშვები არ არიან განათლებულნი. ზრდამ ასევე გამოიწვია ემიგრანტების დიდი რაოდენობით მიღება, რამაც გამოიწვია ურბანული სკოლების სიმჭიდროვე. უფრო და უფრო მეტი მასწავლებელი ანებებს თავს განათლებას კერძო სექტორში მაღალანაზღაურებადი საქმის საპოვნელად. იმისთვის რომ ვიეტნამი დარჩეს საუკეთესო კლასში, მთავრობა იძლებული იქნება რომ გადააბიჯოს ამ ბარიერებსაც. როგორც ჰო ჩი მინს უყვარდა ხალხისთვის შეხსენება „ კულტივაცია საჭიროებს მუდმივ ყურადღებას“.