რაიონები

თურქეთმა შავ ზღვაში გაზსადენის მშენებლობა დაიწყო

კატეგორია: ახალი ამბები
თურქეთმა შავ ზღვაში გაზსადენის მშენებლობა დაიწყო

თურქეთის პრეზიდენტის, რეჯეფ ტაიპ ერდოღანის თქმით, თურქეთი შავ ზღვაში მდებარე საკარიას გაზის საბადოდან ყოველდღიურად 10 მილიონი კუბური მეტრი ბუნებრივი აირის ტრანსფერს დაიწყებს ქვეყნის ეროვნულ გაზგამანაწილებელ სისტემაში.

საბადოდან გაზის გადატანა 2023 წლის პირველ კვარტალში დაიწყება.

„საკარიას გაზის საბადოზე წარმოება, იმედია, პიკს 2026 წელს მიაღწევს,“ – თქვა რეჯეფ ტაიპ ერდოღანმა 13 ივნისს, შავი ზღვის ბუნებრივი გაზის გადამზიდავი პირველი ოფშორული მილსადენის გაყვანის აღსანიშნავად გამართულ ღონისძიებაზე. პრეზიდენტის კომენტარს „ანადოლუ“ ავრცელებს.

პირველ ეტაპზე გაზის მიწოდება იგეგმება 150 კილომეტრი სიგრძის წყალქვეშა მილსადენით, რომელსაც თურქეთი ააშენებს. მილსადენი ზღვაში მდებარე საბადოს ხმელეთს დააკავშირებს, შემდეგ კი – ეროვნულ გაზგამანაწილებელ ქსელს.

„თურქეთი ხედავს ენერგეტიკას, როგორც რეგიონული თანამშრომლობის გასაღებს და არა დაძაბულობისა და კონფლიქტის ზონას. ჩვენ გავაგრძელებთ ჩვენს ბრძოლას ყველა მხრივ, სანამ არ ვიქცევით ქვეყნად, რომელმაც მთლიანად გადაჭრა ენერგომომარაგების უსაფრთხოების პრობლემა,“ – განაცხადა ერდოღანმა.

თურქეთის პრეზიდენტის განცხადებით, თურქეთის მეოთხე საბურღ ხომალდს ოსმალეთის იმპერიის ერთ-ერთი სულთნის, აბდულჰამიდ ჰანის სახელი ეწოდება.

თურქეთს ამჟამად სამი საბურღი ხომალდი აქვს – ფატიჰი, ქანუნი და იავუზი. ხომალდები შავ და ხმელთაშუა ზღვებში მუშაობენ.

დღეის მონაცემებით, შავ ზღვაში მდებარე გაზის საბადოზე 540 მილიარდი კუბური მეტრი გაზის მარაგია.


წინა
ლებარდე
შემდეგი
თაღლაურა

Mze.ge

ევროკომისიის 12 მოთხოვნა კანდიდატის სტატუსის მისაღებად

კატეგორიები

სექტორებირაიონები

დაგვიკავშირდით

სოციალური მედია