რაიონები

მსოფლიოს ელექტროტექნიკის ბრენდების ანალიზი

კატეგორია: ახალი ამბები
მსოფლიოს ელექტროტექნიკის ბრენდების ანალიზი

როდესაც ყიდულობთ ელექტრომოწყობილობას, რა თქმა უნდა გსურთ, ეს მომენტი გახდეს გრძელი და ლამაზი ურთიერთობის საწყისი. მაგრამ, ძალიან ბევრი ადამიანი აღმოაჩენს ხოლმე რომ ისეთი მოწყობილობა შეიძინა რომელიც არათუ პრობელემებისკენაა მიდრეკილი, არამედ მისი შეკეთებაც საკმაოდ დიდ ხარჯებთანაა დაკავშირებული. ამ დარგში CR-ის პირველი სანდოობის კვლევა დაგეხმარებათ სანდო მოწყობილობების შერჩევაში თქვენი სამზარეულო თუ სამრეცხაო ოთახისათვის, არჩევანი საკმაოდ ფართოა, ვინაიდან წარმოდგენილია 24 ბრენდი.

როდესაც Russel Schwager – ბოსტონელი კომპიუტერული ინჟინერი სახლს სააღდგომოდ ამზადებდა, დიდხანს არ უფიქრია და თავისი Electrolux-ის ღუმლები ჩართო თვითგასუფთავების რეჟიმზე. მაგრამ ეს ნაბიჯი სადღესასწაული თავის ტკივილად იქცა, როდესაც ღუმლის კარები ჩაიკეტა და კედელში ჩაშენებულმა ღუმელმა შეწყვიტა გათბობა, ღუმლის ორივე განყოფილება მწყობრიდან გამოვიდა. „ნამდვილად, გაგვირთულა ცხოვრება“ – აცხადებს Schwager. მისი ოჯახის წევრები ამ პერიოდში მიირთმევენ ქოშერს (ებრაული რელიგიური წესებით მომზადებული საჭმელი), ასე რომ აღდგომის განმავლობაში ისინი ვერ ისარგებლებდნენ მზა საკვების მოხმარების უპირატესობით. ამის სანაცვლოდ, მათ თავი გაჰქონდათ მისი მეუღლის ნათესავების მორჩენილი საკვებით და ქოშერის წესით დამზადებული პიცებით, რომელსაც ტოსტერ-ღუმელში ამზადებდნენ.

რამდენიმე კვირისა და დაახლოებით 600 დოლარი შეკეთების ხარჯის გაღების შემდეგ, Schwager სერიოზული მყიდველის სინდისის ქენჯვნის გრძნობამ მოიცვა. ოთხი წლის წინ მან და მისმა მეუღლემ შეიძინეს Electrolux-ის 5 მოწყობილობა და მათგან მხოლოდ და მხოლოდ მიკროტალღური ღუმელი აღმოჩნდა არაპრობლემატური. „ჩვენ ვეძებდით ისეთ კარგ მოწყობილობას, რომელიც წინას ხარისხით გადააჭარბებდა“ ამბობს Schwager. „მე აღვიქვი Electrolux მსგავს ბრენდად და ის უბრალოდ ასეთი არ აღმოჩნდა“. მომხმარებელთა კვლევებმა

მიმართა Electrolux-ს კომენტარის გაკეთებისთვის და კომპანიის პასუხი ასეთი იყო „Electrolux- ისთვის პროდუქტის სანდოობას უდიდესი მნიშვნელობა აქვს და ვიცით რომ იგი ჩვენი მომხმარებლისათვის უმაღლეს პრიორიტეტს წარმოადგენს“.

ჩავარდნა არ არის არჩევანი უმრავლესობა მოწყობილობებისა ხალხის უმეტესობისათვის დიდ შენაძენს წარმოადგენს და მყიდველებს თავისთავად სურთ რომ მათ ხანგრძლივად იმუშაონ. მომხმარებელთა კვლევების შედეგად დადგინდა რომ ჩვენი წევრები სანდოობას, დაწყებული მაცივრებით დამთავრებული სარეცხი მანქანებით, უფრო მნიშვნელოვან მახასიათებლად თვლიან ვიდრე ფასს ან მუშაობის ხარისხს. „ჩვენ ამას ვხედავთ პროდუქტის სხვა კატეგორიებში, მაგრამ ყველაზე მეტად ეს მთავარ მოწყობილობებშია შესამჩნები“ აცხადებს Simon Slater მომხმარებელთა კვლევების გამოკითხვების დეპარტამენტის ასოცირებული დირექტორი. რა თქმა უნდა, უცნაური არაა ის რომ მოწყობილობების მყიდველებისათვის სანდოობა იქნებოდა მნიშვნელოვანი პარამეტრი. ეს მანქანები კომპლექსური და კონკრეტული მისიის მატარებელი მოწყობილობებია, რომელიც ათასობით დოლარიც შეიძლება ღირდეს და იმდენად მძიმეცაა, ამავდროულად, რომ მოითხოვს როგორც წესი, მომწოდებლის მიერ იქნას მიტანილი და დამონტაჟებული. ისინი ბევრ ყოველდღიურ ოპერაციის შესრულებას გვარიდებენ თავიდან – საჭმლის მომზადება, დასუფთავება, საკვების შენახვა. და უცებ, როცა ისინი ამ ყველაფერს წყვეტენ, სახლში ყველაფერი ირევა. რადგანა, როდესაც თქვენი მაცივარი ფუჭდება ის ან უნდა შეაკეთოთ ან ახლით ჩაანაცვლო, მანამ, სანამ ომაჰას სტეიკები, რომელიც საყინულის ბოლოში გაქვთ შენახული, გაფუჭდება. მომხმარებელთა კვლევის 2018 წლის გამოკითხვების თანახმად, საოჯახო ტექნიკის კატეგორიაზე დაყრდნობით, 15%-დან 40%-მდე მოწყობილობებისა, საშუალოდ ავლენს მცირედ პრობლემებს ან ფუჭდება მოხმარებლის პირველი ხუთი წლის განმავლობაში. მაგრამ ჩვენი მონაცემები ასევე აჩვენებს იმას, რომ ზოგიერთი ბრენდი ბევრად უფრო სანდოა ვიდრე სხვა დანარჩენი. ამიტომაც, მომხმარებელთა კვლევა პირველად აქვეყნებს ტექნიკის ბრენდების სანდოობის რეიტინგს. ის გეხმარებათ სწრაფად შეადაროთ ბრენდები ერთმანეთს ბაზრის უამრავ მომწოდებელს შორის. ავიღოთ Electrolux: ის 24 ბრენდიდან მეორე ადგილზეა, სანდოობის დაბალი რეიტინგის პროგნოზით მაცივრებზე, ჭურჭლის სარეცხ მანქანებზე, ჩაშენებულ გაზქურებზე და ჩაშენებულ მიკრო-ტალღურ ღუმელებში. ერთი ნათელი წერტილი: Electrolux_ის სარეცხი მანქანა იმსახურებს შეფასებას: „ძალიან კარგი“ მისი სანდოობისთვის. მაგრამ თუ იმავე ბრენდის რამდენიმე მოწყობილობას შეიძენთ, შენიშნავთ რამდენად პრობლემატური შეიძლება გახდეს მისი ეს ზოგადი იმიჯი. უბრალოდ, გამოკითხეთ Russell Schwager-ს.

ხარისხის ძიებაში ბოლო ათწლეულებში მოწყობილობები ბევრად უფრო ენერგო-ეფექტური და მრავალფეროვანი ფუნქციონალის მომცველი გახდა. 1990 წელს (მოწყობილობებში მინიმალური ენერგო- ეფექტურობის შესახებ პირველი ფედერალური მანდატის მიღებიდან 3 წლის შემდეგ) დამზადებულ მოდელებთან შედარებით, სტანდარტული ახალი სარეცხი მანქანა 70%-ით ნაკლებ ენერგიას მოიხმარს. მაცივრები კი დღესდღეობით იმის მეოთხედ ენერგიას იყენებენ, რასაც ისინი 1973 წელს მოითხოვდნენ. ყველაფერი კი ჯამდება ჩვენი კომუნალური ხარჯების დანაზოგის სასარგებლოდ. მსგავსი ტექნოლოგიურ გაუმჯობესებებს თან მოჰყვა გაზრდილი კომპლექსურობა, იმდენად გამრავალფეროვნებული რომ დღესდღეობით მოწყობილობების შემკეთებელ ტექნიკოსებს თან დააქვთ ლეპტოპები და დიაგნოსტირების ციფრული საშუალებები ქანჩების კლასიკური ჩანთის პარალელურად. „დღევანდელ მოწყობილობებს გააჩნიათ სენსორები და ელექტრული წრედები და პლატები, რომლებიც აკონტროლებენ ფუნქციონირებას და უწევენ მონიტორინგს“ – ამბობს Jim Nanni, მოწყობილობათა ტესტირების დეპარტამენტის დირექტორი მომხმარებელთა კვლევებში. „თქვენს საშრობში სინოტივის სენსორები იძლევა შრობის შეწყვეტის ბრძანებას, როცა ტანსაცმელები უკვე მშრალია; ჭურჭლის სარეცხი მანქანის სიმღვრივის სენსორი კი – გატყობინებთ თუ რამდენი დრო სჭირდება მას რეცხვის დასრულებისათვის. თუმცა, ყველა ელექტრომოწყობილობა წარმოქმნის სანდოობის ისეთ პრობლემებს, დღესდღეობით, რაც 30 წლის წინ გავრცელებული არ იყო.“ რაც ნიშნავს რომ მწარმოებლები ვალდებულნი არიან მუდმივად განავითარონ ხარისხის კონტროლი და შესაბამისი ზომები მიიღონ რათა გააძლიერონ სანდოობის პარამეტრიც. GE Appliances, მაგალითად, 50-ზე მეტი პროდუქტის შესაფასებელი ლაბორატორია აქვს კენტაკის სათავო ოფისში. ზოგიერთი მათგანი გამიზნულია იმის დასატესად თუ რამდენად შეესაბამება smart მოწყობილობები რეალური გარესამყაროს პირობებს – მაგალითად, ელექტრომაგნიტური ჩახშობით ცდიან სარეცხ მანქანას, რათა ნახონ კვლავ ინარჩუნებს თუ არა ის WiFi კავშირს. Miele, ბრენდი რომელიც ჩვენს სანდოობის რეიტინგში თითქმის ტოპ პოზიციას იიკავებსს, მიმართავს დაჩქარებული ტესტირების რეჟიმს ლაბორატორიაში. Miele-ს პროდუქტის განვითარების დირექტორი აცხადებს რომ ეს ძირითადად იმითაა განპირობებული რომ კომპანია თვითონ პოზიციონირებას ახდენს როგორც პრემიუმ ბრენდი, მისი პრიორიტეტია მოწყობილობის დიდი სიცოცხლისუნარეიანობა, რაც ზოგიერთ სხვა მწარმოებელს ნამდვილად არ უდგას დღის წესრიგში. „თქვენი სტანდარტი, უბრალო მოწყობილობები უფრო იხრება იმისკენ რომ გახდეს უფრო ჩვეულებრივი, ნაცვლად “luxury“ მხარისა“ ამბობს ის. Miele-ს გამოთვლებით მისი პროდუქტების გამოყენება 20 წლის მანძილზე იქნება შესაძლებელი,

ორჯერ უფრო დიდხანს ვიდრე სხვა ბევრი მწარმოებლის შემთხვევაში, აცხადებს Blake Kozak კომპანია HIS Markit-ის ბაზრის კვლევის უფროსი ანალიტიკოსი, რომელიც ვარაუდობს რომ მომხმარებლები დიაგნოსტირების სრულყოფილი ტექნოლოგიის სარგებელს დაუყოვნებლივ მიიღებენ. „ჩვენი გრძელვადიანი მიზანია ჩავნერგოთ შეტყობინების სისტემა, რომელიც მომხმარებელს გააგებინებს რომ მოწყობილობას შეკეთება ან დათვალიერება სჭირდება, ზუსტად იქამდე სანამ პატარა პრობლემა დიდ ხარჯში გადაიზრდება“ ამბობს Kozak. ჩვენი მოწყობილობების მომავლის ამ ხედვის ფარგლებში, ზოგიერთ კომპლექსურ ნიუანსს პირიქით, შეუძლია სანდოობის ხარისხის გაუმჯობესებაც.

შეკეთება თუ ჩანაცვლება? 1980-იან წლებში ტექნიკური ელექტრომოწყობილობები ბევრად მარტივი აგებულების იყო, მაშინ როდესაც Steven Sheinkopf-მა მუშაობა დაიწყო Yale Appliance and Lighting-ში (საცალო მოვაჭრე, დაფუძნებული ბოსტონის რაიონში). „თქვენ გქონდათ Maytag-ის სარეცხი მანქანა და ღვედი მისი სუსტი წერტილი იყო“ ამბობს ის. დღეს Sheinkopf Yale-ს აღმასრულებელი დირექტორია, რომელიც წელიწადში 120 მილიონი დოლარის გაყიდვებს აფიქსირებს. „თქვენ მხოლოდ ღვედის ჩანაცვლება გჭირდებოდათ – რაც 100 დოლარიანი ოპერაცია იყო და მორჩა, სულ ეს იყო“. ახლა კი მსგავსი ძირითადი ნაწილის დაზიანება სარეხცი მანქანისათვის 500-600 დოლარის ოდენობის ხარჯის გაღებას უკავშირდება. მოწყობილობის შეკეთების ხარჯები დიდ დიაპაზონში მერყეობს და ტექნიკოსები ყოველთვის ვერ ახერხებენ პირველივე შეხედვით პრობლემის აღმოფხვრას. ფაქტობრივად, მომხმარებელთა კვლევის 2016 წლის გამოკითხვამ აჩვენა, რომ დაახლოებით მოწყობილობათა 40% პირველივე ვიზიტზე ვერ იქნა სრულებით შეკეთებული, რაც განაპირობებდა მოწყობილობის გარეშე ბევრად მეტხანს დარჩენას მფლობელისათვის. სხვა პრობლემური საკითხია სათადარიგო ნაწილის მოცდის დრო. უმრავლესობა სერვისის მომწოდებლებისა ვერ უზრუნველყოფენ თითოეული ბრენდის ყოველი მოწყობილობის ყველა დეტალის მარაგში ქონას, ასე რომ დიაგნოსტირების ეტაპის შემდეგ, შესაძლოა კონრეტული ნაწილისათვის კვირობით ცდა დაგჭირდეთ, სანამ მას მოგიტანენ და მეორე ვიზიტზე უკვე დაამონტაჟებენ. მწარმოებლები ქირაობენ ისეთ ავტორიზებულ სერვისის მომწოდებლებს, როგორიცაა Yale, რომელიც აწესებს ტარიფს საგარანტიო პერიოდში სავარაუდო შეკეთებებისათვის, მაგრამ Sheinkopf აცხადებს რომ საგარანტიო ზარებზე ის უფრო მეტად კარგავს ფულს. მისი ხედვით, მწარმოებლები თვითონ უნდა უზრუნველყოფდნენ ამ შეკეთებებს. ამ პირობით კი ყიდვის განხორციელების შემდეგ, ისინი უბრალოდ უყურადღებოდ ტოვებენ მომხმარებლებს. „რატომ არ ფორმირდება ლოიალური კავშირები მომხმარებელსა და კომპანიას შორის?“ კითხულობს Sheinkopf. „ეს

იმიტომაა რომ ამ ნაწილს ისინი არასწორად უყურებენ“. რა თქმა უნდა, როდესაც მოწყობილობა ისე ფუჭდება რომ შეკეთება შეუძლებელია, პირდაპირ მიდის ნაგავსაყრელზე. ასე რომ როდესაც ცდილობ ხარჯთაღრიცხვისას გაითვალისწინო ჩანაცვლების, წუნდებულობის და გადამუშავების ხარჯები, ასევე უნდა იგულისხმო სხვა არსებითი სათადარიგო დედტალებიც, როგორიცაა პლასტმასის, მეტალის ნაჭრები თუ ელექტრული წრედები. არც ისე რთული შესამჩნევია ისიც, თუ რამდენად შეუძლია უფრო დიდი სასიცოცხლო ციკლის მქონე პროდუქტებს გარემოზე მავნე ზეგავლენის შემცირება. და თუ ხალხი ისეთ ბრენდებზე ყურადღების შეჩერებას დაიწყებს, რომლებიც სანდოობის უფრო მაღალი ხარისხით პოზიციონირდებიან, ამან შესაძლოა უბიძგოს მწარმოებლებს სანდოობის პრიორიტიზირებისაკენ იმდენად, რამდენადაც ამას მომხმარებლები ითხოვენ.

მოწყობილობის სანდოობა

როგორ ქმნიან მას ბრენდები მოწყობილობის მწარმოებლის სანდოობის რეპუტაციის შესაფასებლად არაერთი გზა არსებობს – პირადი გამოცდილება, WOM (ხმის გავრცელება), მარკეტინგი. მაგრამ რეალურ მონაცემებს მაინც ვერაფერი ჩაანაცვლებს. ამიტომაც, მომხმარებელთა კვლევა წარმოგიდგენთ ჩვენს საყოფაცხოვრებო მოწყობილობების მწარმოებელი ბრენდების სანდოობის რეიტინგს. ქვემოთ ნაჩვენებ დიაგრამაზე თქვენ ერთ სიბრტყეში ხედავთ თითოეული ბრენდის (მოიცავს სხვადასხვა დასახელების პროდუქტს) სხვასთან შედარებით სანდოობის მაჩვენებელს. მონაცემები მომხმარებელთა კვლევის შედეგადაა შეგროვებული და მოიცავს 381,000 სამზარეულოს და სამრეცხაოს ელექტრომოწყობილობას, რომელიც შეძენილ იქნა 2008-დან 2018 წლამდე პერიოდში. საპროგნოზო სანდოობის გამოსათვლელად ჩვენ ვეკითხებით ჩვენს წევრებს თუ რამდენჯერ ჰქონიათ შემთხვევა რომ მათი ეს პროდუქტები გაფუჭებულა ან შეუწყვეტია მუშაობა. ჩვენ ამ მონაცემებს ვიყენებთ რათა გავაკეთოთ პროგნოზი, მოცემული ბრენდების ახალი პროდუქტები რამდენად ხარისხიანად იმუშავებს ფუნქციონირების პირველი ხუთი წლის მანძილზე. აქ ჩვენ მოვიცავთ მხოლოდ იმ ბრენდებს, რომელთათვისაც ჩვენ გაგვაჩნია საკმარისი მონაცემები ძირითადი ელექტრომოწყობილობების სულ მცირე ორ კატეგორიაში. თითოეული ბრენდის მოწყობილობის პროგნოზირებული სანდოობის შეფასება წარმოადგენს აღნიშნული ბრენდის ყველა ტიპის მოწყობილობის შეფასებათა საშუალო არითმეტიკულს. LG შეფასება „ბრწყინვალე“-ს იმსახურებს მისი სარეცხი მანქანებისთვის, რადგანაც თითოეული ტიპის სარეცხი მანქანა გამორჩეულია მისი საპროგნოზო სანდოობის „ბრწყინვალე“ შეფასებით. თითოეული ბრენდისათვის, საშუალო საპროგნოზო სანდოობის

ქულა ისეა კორექტირებული რომო დააბალანსოს განსხვავებები მოწყობილობათა რიპების მიხედვით. ბრენდი, რომელიც შედარებით მაღალ შეფასებებს იმსახურებს, მისი ფრანგული კარის მქონე მაცივრებისთვის, მაგალითად დაუგდებს ქულას ამ ბრენდს, რადგან ამ ტიპის კარიანი მაცივრები, ზოგადად ნაკლებად სანდოა, ვიდრე სხვა ტიპის მაცივრები. სტატისტიკური კორექტირების გარეშე, ბრენდი, რომელიც მხოლოდ ძლიერი გაყინვის მაცივრებს აწარმოებს, ჩაითვლება ყველაზე სანდო ტიპად და მისი უპირატესობა სხვა ბევრი ტიპის მწარმოებელ კომპანიებთან შედარებით, არასამართლიანად აღიქმება. ზოგიერთი მწარმოებელი კი მდგრადი სანდოობით გამოირჩევა. თუკი გსურთ თქვენი სამზარეულო ან სამრეცხაო ოთახი ერთი და იმავე ბრენდის მოწყობილობებით აღჭურვოთ, მაშინ ამისათვის საუკეთესო ვარიანტი Miele, LG Thermador და Bosch-ია. და ასევე ყურადღებით უნდა იყოთ, მაშინ როდესაც Samsung, Jeen-Air, Dacor, Electrolux და Viking ბრენდების პროდუქტებს შორის აკეთებთ არჩევანს, რადგანაც თითოეულს აქვს მოწყობილობათა რამდენიმე კატეგორია, რომელიც სანდოობის პარამეტრში შეფასება „მწირს“ იმსახურებს. გაითვალისწინეთ, რომ ჩვენი საპროგნოზო სანდოობის რეიტინგები არ წარმოადგენს სამუშაოს შესრულების ხარისხის ინდიკატორს. Speed Queen, მაგალითად პირველია ჩვენი ყველაზე სანდო ბრენდების ჩამონათვალში სარეცხი მანქანებისა და საშრობების მაღალი სანდოობის მაჩვენებლის გამო, მაგრამ ლაბორატორიულ პირობებში დატესტვისას ეს მოწყობილობები ყოველთვის კარგი მაჩვენებლით არ გამოირჩევიან. ასე რომ, როდესაც შეჯერდებით სანდო ბრენდის შერჩევისას, აუცილებლად შეამოწმეთ ჩვენი სრული რეიტინგები სანამ სპეციფიურ მოდელს აარჩევთ.

რა პრობლემებს შეიძლება წავაწყდეთ? ყოველწლიურად CR-ის კვლევის გუნდი მომხმარებელთა ათი ათასობით პასუხიდან ხდება იმ პრობლემების კატეგორიზება, რომლებიც მათ წარმოქმნიათ სამზარეულო და სამრეცხაო მოწყობილობების მოხმარებისას. აქ კი გიჩვენებთ 2018 წლის ყველაზე ხშირად გამოვლენილ პრობლემურ სფეროებს – დავარქვათ მათ – ჩივილები – დაწყებული პრეტენზიული მაცივრებიდან დამთავრებული უღიმღამო სარეცხი მანქანებით. ჩვენმა რეპორტიორებმა ასევე გამოკითხეს მოწყობილობების პროფესიონალი შემკეთებლები, რათა გამოერკვიათ ყველაზე ხშირად რომელ ნაწილზე ხორციელდებოდა მიმართვიანობა; იხილეთ „რა ფუჭდება“ ქვემოთ, თითეულ სექციაში. პროცესში კი ჩვენ ასევე წარმოგიდგენთ რამდენიმე მითითებას, რომელიც თავიდან აგარიდებთ შეკეთების სერვისის ზედმეტ ზარებს და თანხასაც დაგაზოგინებთ. მაცივრების პრობლემური ნიუანსები „სამაცივრე სისტემის გულს კომპრესორები წარმოადგენს“ აცხადებს Dean Landers. მისი ახლით ჩანაცვლება გულისხმობს მაცივებელი აგენტის მოცილებას მკაცრი ფედერალური

გაიდლაინების მიხედვით, სარჩილავის გამოყენებით გაფუჭებული ნაწილის მოშორებას, ახლის მირჩილვასა და სისტემის ახლიდან დამუხტვას. „ამ პროცედურების ჩატარება კი ექსტრემალურად დიდ ხარჯებს მოიცავს“ ამბობს Landers.

მაცივრები ყველაზე დიდი ჩივილები  17% წყალი (ან ყინული) არ გამოდის დისპენსერიდან  13% საყინულე არ ყინავს  7% მაცივარში გადაჭარბებული ყინვაა  6% წყლის გაჟონვა  5% მაცივარი არ აგრილებს  5% ელექტრული წრედის დაფაზე დაზიანებაა ან მართვის პანელი წუნდებულია  4% საკვებს გრილად არ ინახავს  3% დრენაჟი ან გამოსასვლელი იბლოკება  3% კომპრესორი არ მუშაობს ან აქვს ხარვეზები რა ფუჭდება ყინულგენერატორი: ეს ნაწილი წყალს აქცევს საერთო ფორმის ყინულის ნაჭრებად. როდესაც კუბიკები ფორმირდება ეს ფორმები ცხელდება ან იგრიხება, ყინულის ფორმიდან გასათავისუფლებლად და მგველი მკლავი მათ ათავსებს კონტეინერში, დისპენსერისათვის მარაგის შესაქმნელად. საორთქლებელი ვენტილატორი: უზრუნველყოფს საორთქლებლს ხვიებში ჰაიერის გადაადგილებას, რაც გამოიხატება ყინულგენერატორის მიერ სითბოს შთანთქმაში. თერმოსტატი: არეგულირებს ტემპერატურას ახალი საკვებისა და საყინულის განყოფილებებში. პროფესიონალის პერსპექტივიდან „ყინულის გენერატორის ჩავარდნა ყოველთვის პრობლემას წარმოადგენდა, მაგრამ ახლა ყველა მაცივარს მოყვება ის კომპლექტაციაში“ აცხადებს Dean Landers -ბალტიმორის რაიონში ფუნქციონირებადი შეკეთების სერვისის კომპანიის Landers Appliance პრეზიდენტი. ეს გულისხმობს რომ ჩვენთან ბევრად მეტი ყინულგენერატორის შეკეთების შეკვეთა შემოდის. „ჩვენ ადრე მათ, როგორც ცალკე მოწყობილობად ვიღებდით შესაკეთებლად“ ამბობს Landers.

„ახლა კი ყველაფერი ჩაშენებული, სუსტი და კომბინირებულია, რაც ბადებს მთლიანი ერთეულის ჩანაცვლების საჭიროებას. ქურები ყველაზე დიდი ჩივილები  6% ღუმელი ეფექტურად არ ცხელდება  6% გაზის ან ელექტრო ქურის ელემენტები არ ინთება ან არ ცხელდება  5% ალის წარმოქმნის სისტემა გაფუჭებულია ან არ მუშაობს გამართულად (ბუნებრივი აირის მოდელებზე)  2% დაზიანებული ღილაკები  2% მართვის პანელის დაზიანებული ღილაკი (ღილაკები) რა ფუჭდება ალის წარმოქმნის სისტემა: ბუნებრივი აირის მოდელებში, კომპონენტების ეს სერია განაპირობებს ნაპერწკალის წარმოქმნას გაზქურის ასანთებად. საცხობი ღუმლის ელემენტი: წარმოქმნის სიცხეს გამოცხობისა და შეწვის ფუნქციებისთვის ელექტროღუმელში. ღუმლის ტემპერატურის სენსორი: არეგულირებს ტემპერატურას როგორც გაზქურისათვის ასევე ელექტროღუმელისათვის. ფითილი – ალის წარმომქმნელი აპარატი: აკონტროლებს ალის სისწორესა და ფორმას გაზქურაზე.

პროფესიონალის პერსპექტივიდან „მომხმარებლებს ბევრი საშუალება აქვთ იმისათვის, რომ თავად აღმოფხვრან მცირე პრობლემები სახლის პირობებში“ აცხადებს Paul Berry, სან ანტონიოში მდებარე კომპანია Mr. Appliance-ს მფლობელი. და პირველ რიგში ესაა გასუფთავება. ავიღოთ აალების სისტემა: თუ ჯერ კიდევ გესმით ღილაკზე დაჭერის შემდეგ ტკაცუნის ხმა, ეს ნიშნავს რომ შესაძლოა ნარჩენის მიერ ის უბრალოდ დაიბლოკა და ნამწვის ან სხვა ტიპის ნადების მიერაა ეს პრობლემა გამოწვეული. მიზეზი ასევე შეიძლება იყოს გაჭედილი საჭმლის ნარჩენები – მას სუსტი კვამლით შეამჩნევთ. ორივე შემთხვევაში, Berry გვირჩევს „მოვაცილოთ ნებისმიერი ნადები ჭურჭლის სარეცხი საშუალბით და თბილი წყლით“.

ჭურჭლის სარეცხი მანქანები

ყველაზე დიდი ჩივილები  11% სათანადოდ არ ასუფთავებს  9% სათანადოდ არ აშრობს  7% სათანადოდ არ ხდება დაწდომა  7% მართვის პანელი დაზიანებულია ან მუშაობს შეფერხებით  6% ჟონავს წყალი  5% ჭურჭლის ცხაურები იოლად ტყდება

რა ფუჭდება

შესასვლელი სარქველი: აკონტროლებს წულის მიწოდებას ჭურჭლის სარეცხი მანქანისათვის. რეცხვის მკლავი: ჭავლის ნაკადებს მიმართავს ჭურჭლის ცხაურებისაკენ რეცხვისა და გავლების ციკლებისათვის. სადრენაჟე ტუმბო: გამოდევნის ნარეცხ და ნავლებ წყალს ჭურჭლის სარეცხი მანქანიდან და ტუმბავს სადრენაჟე სისტემაში. ცირკულაციის ტუმბო: წყალს პულივიზირების მკლავისგან მიმართავს თქვენი დასვრილი ჭურჭლისკენ. ~ პროფესიონალის პერსპექტივიდან შეუძლებელია ჭურჭლის სარეცხი მანქანის პრობლემები აღმოცენებისთანავე შენიშნოთ, გვეუბნება Chris Zeisler ტექნიკური სერვისის ზედამხედველი RepairClinic.com-იდან, რომელიც წარმოადგენს ონლაინ საოჯახო ელექტრომოწყობილობების დასუფთავების მითითებებისა do- it-yourself ვიდეოების ბლოგს. „თქვენი ჭუჭლის სარეცხი მანქანა თანდათანობით აღარ გარეცხავს იმდენად ხარისხიანად და საბოლოოდ მივა იმ წერტილამდე, რომ ნამდვილად ყელში ამოგივათ და დაიწყებთ იმის გარკვევაზე ზრუნვას, თუ რა პრობლემა აქვს მას“.

ჩაშენებული მიკროტალღოვანი ღუმლები

ყველაზე დიდი ჩივილები

 5% მართვის პანელის ღილაკები არ დაზიანებულია ან არ მუშაობს სათანადოდ  4% ჭარბი ხმაური  4% არ ცხელდება ადეკვატურ დონემდე  4% კარი არ იკეტება ან იხურება სათანადოდ

 2% მბრუნავი სადგარი არ ბრუნავს  2% გამონაბოლქვის ვენტილაცია არ ფუნქციონირებს სათანადოდ რა ფუჭდება კარის სახელურები: ჭარბი სახელურები შეუძლებელს ხდის მიკროტალღური ღუმლის მუშაობას, მაშინ როდესაც კარები ღია ან ნახევრად ღიაა. მოძრავი სადგარი: რაც ატრიალებს საჭმელს თანაბარი გაცხელებისათვის. გამწოვი ვენტილატორი: მიმართავს საჭმლის მზადებისას დაგროვებულ ბოლს ფილტრებისკენ. მართვის პანელი: აკონტროლებს და მართავს გაცხელების ფუნქციებს. მაგნეტრონი: წარმოქმნის მიკროტალღებს. ცხიმის ფილტრი: მართალია ტექნიკურად მისი დაზიანება არ ხდება, მაგრამ ეს ნაწილი ცხიმით იპოხება და ხელს უშლის ნამწვი ბოლის გაწოვას თქვენი სამზარეულოდან. პროფესიონალის პერსპექტივიდან „ნებისმიერი დაზიანება, რაც შეიძლება აღმოცენდეს მიკროტალღური ღუმლის კარზე პოტენციურად მაღალი საფრთხის შემცველია, რადგანაც მას შეუძლია საზიანო მიკრო ტალღების გამოშვება.

პრობლემები ჭურჭლის სარეცხი მანქანები იმპელერი ტუმბოს ნაწილია რომელიც წარმოქმნის წყლის წნევის იმ სიდიდეს, რაც საჭიროა სპრეის ფრთების დასატრიალებლად. მისი დაზიანება ხდება მაშინ თუ რაიმე თესლი, მინის ნამსხვრევი ან სხვა პატარა ზომის რაიმე ჩაბარდება ტუმბოში. „რაც შეიძლება მალე უნდა მიმართოთ დასახმარებლად სერვისს“ ამბობს Chris Zeisler, რომელიც წარმოადგენს RepairClinic.com-ს. ეს ხდება იმიტომ რომ მან შეიძლება ხელი შეუწყოს წყლის გაჟონვას ძრავში და იქედან უკვე თქვენს იატაკზე. როგორ უნდა მივხვდეთ თუ როდისაა იმპელერი დაზიანებული? თქვენ ხმამაღალ არასასიამოვნო ხმაურს გაიგონებთ ამ შემთხვევაში.

პრობლემები სარეცხი მანქანები „ელექტრონული მართვის დაფა – მოწყობილობის ტვინი – და ძრავი ყველაზე ძვირიან ჩასანაცვლებელ ნაწილებს წარმოადგენენ“ ამბობს Enrique Espinoza Jr., Nebraska Home Appliance-ს სერვის მენეჯერი (შეკეთების სერვისი ომაჰაში). მართვის დაფა კომუნიკაციას ახდენს სენსორებთან, რომლებით, თავის მხრივ არეგულირებენ წყლის მოცულობასა და ტემპერატურას, რეცხვის დროს და დოლურის სიჩქარეს. „ის ყველაფრის მართვას ახორციელებს“ – ამბობს Espinoza. მისი ჩანაცვლება არ არის იაფი, ასე რომ თქვენ მხედველობაში უნდა მიიღოთ თუ რამდენი გადაიხადეთ ამ მანქანისათვის, რამდენი წლისაა და რამდენის დახარჯვა მოგიწევთ ახალი მოდელის შესაძენად.

სარეცხი მანქანები ყველაზე დიდი ჩივილები  14% ობის მოკიდება  6% დოლურა არასწორად ბრუნავს ან საერთოდ არ ტრიალებს  5% მანქანა ვერ ახერხებს წყლის დრენირებას  4% ეკრანი, ღილაკები, მართვის პანელი დაზიანებულია ან არ მუშაობს  3% ეპარება წყალი რა ფუჭდება

კარის ან სარქველის ჩამრთველი: რაც საშუალებას არ აძლევს დოლურას დაიწყოს ტრიალი მანამ, სანამ კარი ან სარქველი არ დაიხურება. დრენაჟის ტუმბო: წყალს დევნის დოლურიდან. მილის გამმართველები: მათ უჭირავთ მილი და They hold the tub and allow it to spin smoothly. პროფესიონალის პერსპექტივიდან „ნებისმიერი კაკუნის ან წუილის ხმის გაგონებისას, დაუყოვნებლივ მიმართეთ შესაკეთებელ სერვისს“ ამბობს Wayne Archer, Sears Home Service-ს ტექნიკური ექსპერტი, რომელიც წლის მანძილზე 7 მილიონზე მეტი გაწეული სერვისის რაოდენობითაა გამორჩეული. „მისი გამოყენების გაგრძელება კი მხოლოდ უფრო მეტ დაზიანებაში აისახება და ასევე გაიზრდება მისი შეკეთების ხარჯებიც“.

საშრობები ყველაზე დიდი ჩივილები

 10% ტანსაცმელები არ შრება  7% დოლურის ქამრები, ძრავი ან როლერები არ მუშაობს რა ფუჭდება

თერმული დამცველი: რაც მოწყობილობას იცავს გადახურებისაგან. გამაცხელებელი ელემენტი: მავთულის ხვია ელექტრონულსაშრობში ან ფითილი – ბუნებრივი აირის საშრობებში. დოლურის პლომბი: ერთგვაროვანი მასალისგან დამზადებული ნაწილი რომელიც დოლურის რგოლის ირგვლივაა შემოხვეული და რაც აბრუნებს მას ჰაერის ნაკადის კონტროლის

პარალელურად. პროფესიონალის პერსპექტივიდან „ძალიან ცოტაა საშრობთან დაკავშირებული ისეთი პრობლემა, რისი გამოსწორებაც არ შეიძლება – იშვიათი შემთხვევაა, როდესაც ამ ერთეულს მთლიანად ანაცვლებენ“, ამბობს Archer, Sears Home Services-ს თანამშრომელი. რამდენ ხანს იმუშავებს თქვენი ელექტრომოწყობილობები?

როდესაც ახალი მაცივრის ყიდვასა და მონტაჟისას დაბრკოლებას წააწყდებით, შესაძლოა დაიწყოთ ფიქრი იმაზე, თუ რამდენი ხანია დარჩენილი მომდევნო მაცივრის ფიასკომდე. თუ თქვენ მომხმარებელთა კვლევის ჩვენ მიერ გამოკითხული საშუალო სტატისტიკური წევრივით ფიქრობთ, მაშინ ჩათვლით რომ ახალი დიდი ელექტრომოწყობილობა დაახლოებით 10 წლის მანძილზე ერთგულად გემსახურებათ. „მომხმარებელთა მოლოდინები დიდი ელექტრომოწყობილობების შესახებ შესამჩნევად თანმიმდევრულია“ ამბობს Simon Slater, მომხმარებელთა კვლევების გამოკითხვების დეპარტამენტის ასოცირებული დირექტორი. ჩვენ 20 მწარმოებელს მივმართეთ იმავე კითხვით და მათმა უმრავლესობამ დაადასტურა რომ მათი მოწყობილობები დაახლოებით 10 წელი შეუფერხებლად იმუშავებენ. ზოგიერთი ბრენდი კი ბევრად უფრო გაბედულ განაცხადებსაც აკეთებს ტექნიკის სიცოცხლისუნარიანობაზე. Miele, ბრენდი რომელიც საკუთარ თავს Luxury ბრენდად აპოზიციონირებს და Sub-Zero/Wolf შეფის

სასურველ სამზარეულოს დეკორატიულ ნივთებს ამზადებს, აცხადებს რომ ეს ვადა 20 წელია; Speed Queen, სარეცხი მანქანების მწარმოებელი სასაქონლო ხარისხად წარმოგვიდგენს მას და ამბობს რომ მისი სიტყვიერი გარანტია 25 წელს შეადგენს. მაგრამ უბრალოდ იმიტომ რომ მწარმოებელი ასე ამბობს, რომ მისი პროდუქტი იმუშავებს 10, 20 ან 25 წლის მანძილზე, არ ნიშნავს იმას რომ ამ პერიოდში ამ პროდუქტს რაიმე პრობლემა არ შეექმნება. ათობით ათასი მომხმარებელთა კვლევის წევრისგან 2018 წელს შეგროვებული მონაცემები გვარწმუნებს იმაში რომ მსხვილი ტექნიკის უმრავლესობა პრობლემებისა თავს იჩენს მისი მოხმარებიდან პირველი ხუთი წლის განმავლობაში, რასაც ჩვენს მიერ ნაჩვენებ სტატისტიკაშიც შეხედავთ. გჭირდებათ გახანგრძლივებული გარანტია? მიუხედავად იმისა, იყიდით თუ არა გახანგრძლივებულ გარანტიას, თითოეულ მოწყობილობას მოყვება ერთი ან ორი წლის მანძილზე აქტიური საგარანტიო ტალონი. ასე, რომ კარგად უნდა შეაფასოთ რამდენად მაღალია იმისი ალბათობა რომ მოწყობილობა ამ პერიოდის მანძილზე დაზიანდება და ისიც გაითვალისწინოთ, აჭარბებს თუ არა შეკეთების ხარჯები გარანტიაში გადახდილ თანხას. ჩვენ ვვარაუდობთ რომ მაცივრების დაახლოებით 25% გამოავლენს პრობლემებს ორიდან ხუთ წლამდე მოხმარების ვადებში, მას შემდეგ რაც ტიპიური ერთ წლიანი გარანტიის ვადა ამოიწურება. მაგრამ, ჩვენი მონაცემები ასევე აჩვენებს რომ შეკეთების საშუალო ხარჯი შეადგენს 162 დოლარს – რაც თითქმის იგივე სიდიდეა რაც გახანგრძლივებული გარანტიის საშუალო ღირებულება. ასე რომ თუ რაიმე გაფუჭდება ამ პერიოდში, მოგებული ხართ, სხვა შემთხვევაში კი ამ ხარჯს სულ ტყუილად გაწევთ. მაგრამ, თუ თქვენ ამჩნევთ იმის საშიშროებას რომ მაცივრების შეკეთების ფასებზე შეთხზული და ცრუ ინფორმაციები ვრცელდება, მაშინ ნაკლებია იმისი ალბათობა რომ გახანგრძლივებულ გარანტიაში გადახდილი თანხიდან სარგებელი ნახოთ. ჩვენი წევრების 1 პროცენტზე ნაკლებმა, რომელთაც შეიძინეს მაცივარი 2008-დან 2018 წლამდე, გადაიხადეს 500 დოლარი ან მეტი თანხა მის შესაკეთებლად.

როგორ ვიზრუნოთ ყველა ტიპის მსხვილ ტექნიკაზე

მსხვილი ტექნიკის ფასი ზოგჯერ ძალიან მაღალია. და მას შემდეგ რაც დაამონტაჟებთ და დაიწყებთ მოხმარებას, იოლად შეიძლება დაგავიწყდეთ ის რომ როგორც სხვა ნებისმიერ კომპლექსურ მოწყობილობას, მსხვილ ელექტროტექნიკასაც ასევე სჭირდება მასზე საჭირო დოზით ზრუნვა. ამიტომაც წარმოგიდგინეთ ამ სტატიაში 26 რჩევა, თუ როგორ ვიზრუნოთ ტექნიკის გამართულობაზე და რაც დაიცავს და უზრუნველყოფს სამზარეულოს თუ სამრეცხაო ოთახის მოწყობილობების მშვიდი და დაბალანსებული მუშაობის რეჟიმს. მაცივრები გაასუფთავეთ კონდენსატორის (წრედი, რომელიც აცივებს ორთქლს ტურბინიდან და მის წყლად კონდენსირებას ახდენს) ხვიები. კონდენსატორის ხვიებში გროვდება მტვერი, სიბინძურე, თმა, ჭვარტლი და სხვა სახის ნადებები, რაც ზღუდავს სისტემიდან სიცხის გამოდევნას და ეფექტიანობას რაც საბოლოოდ გამოიხატება ტექნიკის მუშაობის შეწყვეტაში. ყოველ ექვს თვეში სათუთად გაასუფთავეთ ხვიები რბილი ჯაგრისის გამოყენებით რათა შეინარჩუნოთ ისინი სამუშაო კონდიციაში. ეს ნაწილები მდებარეობს მაცივრის ქვედა ან უკანა მხარეს (ჩაშენებულის შემთხვევაში, თავზე), ასე რომ უნდა გამოაღოთ ცხაური ან/და გამოწიოთ მაცივარი კედლიდან რათა უკეთ მიუდგეთ მას. დაიცავით სისუფთავე მაცივრის კარის რეზინის შიდა ნაწილზე. მაცივრის ეს ნაწილი ცივი ჰაერის შენარჩუნებისთვის გამოიყენება, მაგრამ მასში ხშირად გროვდება დაღვრილი სითხე ან საჭმლის ნარჩენები, რაც საბოლოო ჯამში კარგი სარქველის ფუნქციას უკარგავს მას. „ეს კი კომპრესორს უგზავნის სიგნალს, იმუშავოს უფრო მეტი სიმძლავრით, ვიდრე მოთხოვნილია“ ამბობს Joseph Pacella, მომხმარბელთა კვლევის მაცივრების დასატესტი ლაბორატორიის ხელმძღვანელი. გაასუფთავეთ აშნიშნული შუასადები ტენიანი ღრუბლით ან მატერიით და დარწმუნდით რომ მასზე არ ტოვებთ ზედმეტ წყალს, რომელიც ნაკეცებიდან ვერ გამოიდევნება კარის დახურვისთანავე და დაგუბდება. თუკი შენიშნავთ რაიმე სახის ობს, აუცილებლად მიმართეთ საშუალებას რომ მოაცილოთ იფი, მაგალითად დეზინფექცირების ხსნარები; პირველ რიგში შეამოწმეთ მაცივრის ინსტრუქცია, სადაც მითითებულია თუ რა ტიპის პროდუქტების გამოყენება უნდა აირიდოთ თავიდან. შეცვალეთ წყლის ფილტრი. თუკი თქვენს მაცივარს აქვს წყლის ფილტრი, ჩაანაცვლეთ ის ახლით ყოველ ექვს თვეში. აუცილებლად წინდახედულად შეარჩიეთ ის, რადგან პერიფერიულ მოწყობილობათა ბაზარში ხშირად ისეთი პროდუქტები იყიდება, რომლის სანდოობაც რთული გადასამოწმებელია და ვერ დაადგენთ დაზუსტებით, ის ნამდვილად შორებს თუ არა მინარევებს და ბაქტერიებს თქვენი სასმელი წყლიდან. მეორეს მხრივ კი, თუკი თქვენ დარწმუნებული ხართ იმაში, რომ წყალი რომელსაც სასმელად გაწვდიან უსაფრთხოა და არ გსურთ დამატებით 100 დოლარის ან მეტი დანახარჯის გაწევა ფილტრებზე წლის მანძილზე, მაშინ თავისუფლად შეგიძლიათ მის გარეშეც ამუშაოთ თქვენი მოწყობილობა. კონკრეტული მაცივრებისათვის თქვენ მოგიწევთ კარტრიჯის ჩადგმა რათა მან უზრუნველყოს წყლის დინება (რაც უნდა მოყვეს მაცივარს ყიდვისას).

როგორ გავასუფთავოთ გაზქურის მართვის პანელი

ყურადღებით. დაასველეთ უბუსუსო ნაჭერი თბილი, საპნიანი წყლით და ჩამოწმინდეთ. პირდაპირ ნუ მიასხამთ სპრეის პანელის ზედაპირს, ან ნუ გაჟღინთავთ, ვინაიდან თუ წყალი შეაღწევს პლომბებში, მას შეუძლია ელექტრონიკის პანელის გადაწვა. იგივე დაემართება თქვენს მიკროტალღურ ღუმელსაც.

გაზქურები გაწმინდეთ გაზქურის ზედაპირი. თუ მზადებისას ზედაპირზე რაიმე დაგეღვარათ, მას შემდეგ რაც მზადებას დაასრულებთ და გაზქურაც გაგრილდება, აუცილებლად გაწმინდეთ იგი. „მიმწვარი სიბინძურე უფრო რთულად მოსაშორებელია და ასევე შაქრის შემცველ სითხეებს შეუძლია დააზიანოს მინის რბილი ზედაპირი“ ამბობს Tara Casaregola, მომხმარებელთა კვლევის გაზქურების ტესტირების ლაბორატორიის ხელმძღვანელი. გაზქურაზე დაღვრილმა სითხემ შესაძლოა აალების ნაწილები დაახშოს და შედეგად მივიღოთ წვის არათანაბარი განაწილება. მოაშორეთ ყველა ელექტრო ხვია ან ცხაური და სახურავი. შემდეგ მოასუფთავეთ ქაღალდის პირსახოცით ის რაც დაღვრილია, შემდეგ კი დარჩენილი ნაწილის გაწმენდა განაგრძეთ თბილი საპნიანი წყლით. თქვენ ასევე შეგიძლიათ ისეთი ნაწილები, რომელიც გაზქურას ეხსნება ნიჟარაში საპნიანი წყლით გარეცხოთ, შემდეგ კი გაწუროთ და გააშროთ ისინი. ელექტრო ხვიები დანოტივებული მატერიით უნდა გაიწმინდოს – ამბობს Casaregola და არავითარ შემთხვევაში მას წყალი არ უნდა გაავლოთ. რბილი ზედაპირისთვის კი თხევადი გაზქურის საწმენდი და ქაღალდის ხელსახოცები გამოიყენეთ ან/და კერამიკული ზედაპირისათვის სპეციალური საწმენდი ბალიში, შემდგომ ნარჩენები კი გადაწმინდეთ სუფთა პირსახოცით. შეუნარჩუნეთ სიგლუვე თქვენს გაზქურის ზედაპირს არ დაგავიწყდეთ ის, რომ თქვენი გაზქურის ზედაპირი მინისგანაა დამზადებული, შესაბამისად მისი გაფხაჭვნის ან გატეხვის თავიდან ასარიდებლად, მკვეთრი მოძრაობებისგან თავი უნდა შეიკავოთ. გამოიყენეთ სწორძირიანი ქვაბები და ტაფები, მხოლოდ და მხოლოდ და ხელში აწევით და გადაადგილებით მოუნაცვლეთ მას ადგილი გასრიალების ან დახეთქების ნაცვლად. გამოიყენეთ ღუმლის თვითწმენდის ციკლი გამოათავისუფლეთ თქვენი ღუმელი ყველაფრისგან, მათ შორის საკიდები, რომლებიც ექსტრემალური სიცხის პირობებში შესაძლოა დეფორმირდეს (რაც 454 გრადუსი ცელსიუსია). ჩართეთ გაზქურის დეფლექტორი, შეაღეთ სამზარეულოს ფანჯრები და აცადეთ ციკლს თავიდან ბოლომდე გავლა, რასაც დაახლოებით 2-დან 6 საათამდე პერიოდი სჭირდება.

როდესაც ღუმელი გაგრილდება, შეგიძლიათ ნარჩენი დაბინძურება ღრუბლითა და თბილი წყლით გადაწმინდოთ. რეგულარულმა თვითწმენდამ შესაძლოა აღარ მოგანდომებინოთ გაზქურაზე ფოლგის დაფენა (რასაც მოკლევადიან გამოსავლად იყენებდით). „ფოლგები არ გახლავთ სისუფთავის შენარჩუნებისათვის კარგი საშუალება“ ამბობს Casaregola. „ვინაიდან ის შესაძლოა ადგილზე დაადნეს და მას ვერასოდეს ვეღარ ამოიყვანთ ზედაპირიდან“.

ჭურჭლის სარეცხი მანქანები არასასიამოვნო წებოვანი ნადების მოშრება კარის სარქველიდან გარდა ზემოთ აღწერილისა თქვენ აუცილებლად უნდა გაასუფთავოთ ჭურჭლის სარეცხი მანქანის კარები და რეზინის შუასადები სადაც ნარჩენები და საჭმლის ნაწილაკები თავს იყრიან. მათმა დაგროვებამ შეიძლება გამოიწვიოს არასასიამოვნო სუნი, შედეგად კი განვითარდეს ობის ზრდა და პოტენციურად ასევე ხელი შეუშალოს კარის ნორმალურად და ჰერმეტულად დაკეტვას. უჟანგავი საკიდრები. თუ მათ პლასტიკური საღებავის ფენა გადაძვრება, დაუყოვნებლივ შეაკეთეთ ისინი, შეღებეთ ვინილის საღებავით. თუ ასეთ ზომებს არ მიიღებთ, საკიდრები დაიჟანგება და ჟანგიანი მეტალის პატარა ნაფცქვენები მოხვდება ტუმბოში, გვასწავლის Chris Zeisler, ტექნიკური სერვისის სუპერვაიზერი RepariClinic.com-ზე. მოაცილეთ ხისტი წყლის ნარჩენები. თუ თქვენ საცხოვრებელ მიდამოში ხისტი წყალი მოგეწოდებათ, თქვენი ჭურჭლის სარეცხი მანქანის შიგნით შესაძლოა მინერალების დალექილი ფენა წარმოიქმნას. ეს ნარჩენები დაბურული გარსს ქმნიან თქვენს ჭურჭელსა და მანქანის შიდა ნაწილებზე, თქვენ შესაძლოა ასევე შენიშნოთ რომ ცხაური იგივე სიგლუვით აღარ სრიალებს ლიანდაგზე, აცხადებს Adam Hofmann ჭურჭლის სარეცხი მანქანების ინჟინერიის დირექტორი GE Appliances-ში. მწარმოებლები რეკომენდირებას უწევენ ლიმნის მჟავის ფუძის მქონე ჭურჭლის სარეცხი მანქანის დეტერგენტს, როგორიცაა Affresh ან Finish, რომელიც ყოველთვიურად უნდა გამოიყენოთ ნარჩენებიბს მოსაშორებლად. მიჰყევით შეფუთვის ინსტრუქციებს ხისტი წყლის ნარჩენების ფენის მოსაცილებლად თქვენი ჭურჭლის სარეცხი მანქანიდან. გამოიკვლიეთ სპრეი მანიპულატორი. ყოველ რამდენიმე თვეში ერთხელ შეამოწმეთ ამ ნაწილის ღრმულები – სპრეის ბუნიკები – რათა დარწმუნდეთ რომ ისინი სუფთა და დაუხშობელია. თუ მასში შეამჩნევთ საჭმლის ნალექს, ფრთხილად ეცადეთ გამოიღოთ იგი კბილის საჩიჩქნით ან მილის საწმენდით. „აუცილებლად რბილად უნდა მიუდგეთ რათა დარწმუნდეთ რომ არ მოახდენთ ღრმულის დეფორმაციას“ ამბობს Larry Ciufo, ჭურჭლის სარეცხი მანქანების დასატესტი ლაბორატორიის ხელმძღვანელი. „მან შეიძლება იმოქმედოს სპრეის მოქმედების ფუნქციაზე და იმაზე თუ რამდენად კარგად უმკლავდება ჭურჭლის სარეცხი მანქანა თავის საქმეს“.

ჩაშენებული მიკროტალღური ღუმლები გასუფთავების პროცესი უნდა იყოს სწრაფი. დაუყოვნებლივ მოწმინდეთ ღრუბლით თუ ზედაპირზე რაიმე დაგესხათ. საკვების ნარჩენებმა შეიძლება შეიწოვოს მიკროტალღების ენერგიის ნაწილი და დაიწყოს აალება, როდესაც მას ახლიდან ჩართავთ რაც თავისთავად, ქმნის ხანძრის საშიშროებას. განსაკუთრებულად იზრუნეთ დამცავ ბადეზე, რომელიც კარს შიგნითაა მოთავსებული და დაიცავით ის გაფხაჭვნისაგან, რადგან სწორედ ეს დეტალი აკავებს მიკროტალღებს გარეთ გამოღწევისა და თქვენი დაზიანებისაგან. ჩართეთ გამწოვი ვენტილატორი. მართალია OTR ტიპის გამწოვი ვენტილატორი არ არის იმდენად ეფექტური, რამდენადაც Range Hood-ის მაგრამ ერთ-ერთი აუცილებლად უნდა გამოიყენოთ. „ბევრ შემთხვევაში მომხმარებელს ავიწყდება გამწოვი აგრეგატის ჩართვა საჭმლის მზადების დროს, რის გამოც ტენიანობა, რომელსაც ქვაბები და ტაფები გამოსცემენ გროვდება მიკროტალღური ღუმლის ელექტრონიკაში და აზიანებს მის კონკრეტულ დეტალებს, რაც მოწყობილობის გაფუჭებას უფრო მეტად აჩქარებს“ ამბობს Wayne Archer, Sears Home Services ტექნიკური ექსპერტი. თუ ტენიანობა დაგროვდება, მოწმინდეთ ის ქაღალდის ხელსახოცით ან რაიმე რბილი მატერიის ნაჭრით. როცა მიკროტალღური ღუმლის ქვემოთა ნაწილის შემოწმების პროცესში ხართ, ნუ დაგავიწყდებათ ცხიმის ფილტრების შემოწმებაც და დარწმუნდით რომ მასში არ არის გაპოხილი ფენა ფორმირებული და არ ბლოკავს ჰაერის დინებას. საწიინააღმდეგო შემთხვევაში კი მოათავსეთ და დაალბეთ ის ცხელი წყლით სავსე ნიჟარაში და დაასხით ცხიმის საწინააღმდეგო ჭურჭლის სარეცხი საშუალება, მაგალითად ისეთი როგორიც Dawn-ია. გაამშრალეთ და ახლიდან დააყენეთ. არ მიაჯახუნოთ კარები! თქვენს მიკროტალღურ ღუმელს სამი, ზოგჯერ ოთხი უსაფრთხოების შიდა ჩამკეტი სვიჩი აქვს, რაც ღუმელს თიშავს მაშინ, როდესაც კარი ღიაა. იმისთვის რომ მიკროტალღურმა ღუმელმა გამართულად იმუშაოს, სვიჩები უნდა იყოს რიგში ჩამწკრივებული მათ შესაბამის საკეტებთან, მაშინ როდესაც კარი დაკეტილია. „კარის ყოველი მირტყმა, საკეტის მექანიზმები და კარების სვიჩები, რომლებიც თავის მხრივ ყველა პლასტიკური ნივთირებებისაგანაა დამზადებული, აზიანებს ან ფიზიკურად ტეხავს ამ კომპონენტებს“ ამბობს Zeisler. „სვიჩების მწკრივები, ყველანი უნდა მუშაობდეს უნისონში ანუ შეწყობილად“. ნებისმიერი სვიჩის თუ საკეტის დაზიანება კი მიკროტალღური ღუმლის მუშაობის შეწყვეტას გამოიწვევს. არ სცადოთ ელექტრომოწყობილობების თქვენი ხელით შეკეთება. ეს არ გულისხმობს იმას რომ თქვენც იმავე ბედს გაიზიარებთ, თუმცა იმ შემთხვევაში თუ ცდუნებამ გძლიათ, გაითვალისწინეთ რომ მომხმარებელთა პროდუქტის უსაფრთხოების კომისიამ გამოაცხაა რომ ყოფილა შემთხვევები, როდესაც ადამიანებს მიუღიათ ელექტროშოკი მაშინ როდესაც ცდილობდნენ საკუთარი მიკროტალღური ღუმლების შეკეთებას. მიკროტალღა შესაძლებელია ინახავდეს ათასობით ვოლტის ელექტრულ მუხტს თავის კონდენსატორებში თანაც რამდენიმე საათის ან დღის განმავლობაში, თუნდაც ის გამორთული იყოს, აცხადებს RepairClinic.com. “კონდენსატორი ისეთი ელექტრონული კომპონენტია, რომელიც ინახავს ენერგიას და მხოლოდ მაშინ გამოათავისუფლებს, როდესაც ის საჭიროა“ ამბობს Zeisler. “ეს ენერგია კი შეიძლება ზუსტად მაშინ იქნას გამოთავისუფლებული როდესაც მას ადამიანი შეეხება“. RepairClinic.com გირჩევთ რომ მსგავსი ტიპის შეკეთების სამუშაოები პროფესიონალს მიანდოთ. მაგრამ პირველად მაინც უნდა შეაფასოთ – იმდენად ძვირი ჰომ არ გიჯდებათ ის, რომ სჯობდეს, უბრალოდ ახალი მიკროტალღური ღუმლით ჩაანაცვლოთ არსებული.

სარეცხი მანქანები დამშვიდდით. დოლურები თანამედროვე სარეცხ მანქანებში წუთში 1600-მდე ბრუნს აკეთებენ.ზედმეტი ვიბრაციებისა და თვითდაზიანებისგან სარეცხი მანქანის დასაცავად, აუცილებელია ეს ელექტრომოწყობილობა სწორ იატაკზე მოვათავსოთ და მისი ფეხები მჭიდროდ ეხებოდეს მას. „თუ თქვენი სარეცხი მანქანა არ არის უძრავი მაშინ ეცადეთ მის დაფიქსირებას“ ამბობს Richard Handel, სამრეცხაო მოწყობილობების ტესტირების ლაბორატორიის ხელმძღვანელი. „როდესაც სარეცხი მანქანა გაწონასწორდება, სახაზავით შეამოწმეთ მისი წინა და უკანა მხარე და გვერდები და გაასწორეთ სადაც საჭიროა, შემდეგ კი მოუჭირეთ ბოლტებს მის სადგარებზე“. ნუ გადააჭარბებთ სარეცხი საშუალებების მიწოდებას. ჭარბი ქაფიანიი წყალი სარეცხ მანქანას აიძულებს რეცხოს უფრო მეტი და გამოიწვიოს ზედმეტი წურვის ციკლებიც, რაც აისახება გახანგრძლივებული რეცხვის დროსა და მოწყობილობის ცვეთის მეტ სიდიდეზე. გამოიყენეთ სწორი ტიპის სარეცხი საშუალება იმ რაოდენობით, რასაც თქვენი სარეცხი მანქანის ინსტრუქცია გეუბნებათ. უფრო ახალი სარეცხი მანქანები ბევრად ნაკლებ წყალს მოიხმარენ ვიდრე ისინი, რომლებსაც 15 წლის წინ ამზადებდნენ და ასევე მაღალეფექტური სარეცხი საშუალებების წყალობით, რომელიც ნაკლებ ქაფს წარმოქმნის, ხელი ეწყობა ამ დანადგარის ენერგო-ეფექტურ მუშაობას. გაასუფთავეთ დისპენსერის უჯრა. დროდადრო გამოიღეთ და გაასუფთავეთ იგი. როდესაც სარეცხი საშუალებები დაიწყებს დისპენსერში დალექვას, მან შეიძლება გამოიწვიოს ქაფის სიუხვე რაც სარეცხ მანქანას მუშაობას გაუძნელებს.

გამოიკვლიეთ შემავალი წყლის მილები. გამოცვალეთ ისინი როდესაც სიმყიფეს შეატყობთ. თუკი მილი გასკდა, მან შეიძლება დააზიანოს არამარტო ელექტრომოწყობილობა, მაგრამ ასევე თქვენი იატაკიც.

საშრობები გაასუფთავეთ ტრაპი დაგროვილი ბუსუსებისგან. შესაძლოა ეს ისედაც ცხადია თქვენთვის, მაგრამ ეს ნამდვილად ის მოქმედებაა, რომელიც ყოველი ჩართვისას დაგარწმუნებთ რომ საშრობში ჰაერი თავისუფლად მოძრაობს. ბლოკირებული ტრაპი კი საშრობს უფრო დიდხანს ამუშავებს და უკარგავს ენერგოეფექტურობას. შეინარჩუნეთ არხის სისუფთავე. თუ ბუსუსების დიდი რაოდენობა დაგროვდა იმ დონემდე, რომ მან უკვე დაიწყო ჰაერის დინების შეზღუდვა, არც თქვენი ტანსაცმელი გაშრება და გამოიწვევს საშრობის აალებას. ამ შემთხვევაში გამოაერთეთ არხი საშრობიდან, შემდეგ გაასუფთავეთ საშრობი ხვრელი გრძელტარიანი საშუალებით. შემდგომ კი გამოიყენეთ სპეციალური ჯაგრისი რომელიც საშრობის მილების გასაწმენდადაა დამზადებული: მოათავსეთ ის მილში და უკან და წინ მოძრაობით გაასუფთავეთ დაგროვილი ბუსუსებისაგან. „სადაც შესაძლებელია, დააცალკევეთ მილი უფრო მოკლე სექციებად, რათა უფრო ხარისხიანად მოახერხოთ მისი გასუფთავება“ – ამბობს Handel. “თუ თქვენ ამ მოქმედებების გაკეთება არაკომფორტულად მიგაჩნიათ, შეგიძლიათ გამოიძახოთ საშრობი ვენტილაციის გამწმენდი სერვისიც“. როგორ გავასუფთავოთ ჭურჭლის სარეცხი მანქანის ფილტრი ყველა ეს საჭმლის ნარჩენი სადღაც უნდა წავიდეს, და სანამ თქვენს ჭურჭლის სარეცხ მანქანას ძველმოდური ნარჩენების დისპენსერი აქვს, თქვენ ფილტრის ხელით გასუფთავება მოგიწევთ. Adam Hofmann GE-ს წარმომადგენელი ამბობს რომ ეს მანიპულაცია სულ მცირე თვეში ერთხელ უნდა განახორციელოთ, ან უფრო ხშირადაც თუ ეს საჭიროა. „თუ რეცხვის პერფორმანსი უარესდება ან ჭურჭელი ისევ ცხიმიანია რეცხვის შემდეგ, ეს კიდევ ერთი მაჩვენებელია იმისა რომ ფილტრები გასასუფთავებელია“ ამბობს ის. ცხაურის ქვემოთა ნაწილის გამოღების შემდეგ იპოვნით პლასტმასის ცილინდრს, რომლის ბოლტების მოხსნის შემდეგაც გამოსწევთ მას. (თუ ის იქ არ დაგხვდათ, მიმართეთ მოწყობილობის ინსტრუქციას). მოათავსეთ ფილტრი გამდინარე წყლის ქვეშ და დაელოდეთ სანამ ის ნადებისგან სრულებით არ გათავისუფლდება. არაუშავს თუ გამოიყენებთ რბილ ღრუბელსა და თბილ საპნიან წყალს ღრმად გამჯდარი საჭმლის ნარჩენებისგან გასათავისუფლებლად, მაგრამ ასევე გაითვალისწინეთ, რომ ბასრი ჯაგრისები ან

ჭურჭლის სახეხები დააზიანებს ფილტრს. და თუ თქვენ სადმე ნახვრეტებს შეამჩნევთ, დაუყოვნებლივ გამოცვალეთ ფილტრი. ეს იმიტომ ხდება რომ მყარი ობიექტები, მაგალითად როგორიცაა თესლები ან ძვლების ნაწილაკები იოლად გააღწევენ ფილტრიდან ტუმბოში, რაც შემდგომ დააზიანებს ტუმბოს იმპელერსა და ძრავის საქველებს – რაც ნამდვილად გაზრდის შეკეთების ხარჯებს. როგორ დავიცვათ სარეცხი მანქანა ობის მოკიდებისაგან დაობება განსაკუთრებით პრობლემატურია ისეთ ადგილებში სადაც საკვები და წყალია, და სარეცხი მანქანები ნამდვილად არ უჩივიან რომელიმეს ნაკლებობას და ასევე სარეცხი საშუალების ნარჩენებიც ერთ-ერთი საკვები საშუალება ხდება ობისათვის. სცადეთ ამ მითითებების გამოყენება: გაანიავეთ თქვენი სარეცხი მანქანის ინტერიერი. გამოყენებიდან გამოყენებამდე დატოვეთ დოლურის კარებიი ნახევრად ღია. დისპენსერები გააღეთ ნაწილობრივ რომ აცადოთ მას გაშრობა. ნარჩენების ნალექის წარმოქმნას თავიდან აცილებას ასევე შეგიძლიათ სწორი რაოდენობის და ტიპის სარეცხი საშუალების გამოყენებითაც შეუწყოთ ხელი. თვითგასუფთავების რეჟიმის რეგულარულად გამოყენება – რეკომენდირებული სიხშირე ყოველი სარეცხი მანქანისათვის განსხვავებულია, ერთი თვიდან ყოველ 50 ციკლამდე. თუ თქვენს სარეცხ მანქანას ეს რეჟიმი არ აქვს, მაშინ ყველაზე ცხელ რეჟიმზე ჩართეთ ცარიელი დოლურით და სარეცხი საშუალების ნაცვლად მოათავსეთ ერთი ჭიქა მათეთრებელი საშუალება. ჩვევად აქციეთ ნესტის მოშორება რაიმე ნაჭრით კარებიდან და რეზინის შუასადებიდან. როდესაც ამ პროცესში ხართ, ფრთხილად ამოასუფთავეთ შუასადების რეზინის ნაჭდევები ნებისმიერი ნარჩენისაგან და შემდეგ აცადეთ რომ გაშრეს ზედაპირი


წინა
პოლიტიკური იდეოლოგიები და რეჟიმები

Mze.ge

ევროკომისიის 12 მოთხოვნა კანდიდატის სტატუსის მისაღებად

კატეგორიები

სექტორებირაიონები

დაგვიკავშირდით

სოციალური მედია